Májilis tóraǵasy Erlan Qoshanov Reseıdiń Qazaqstandaǵy elshisi Alekseı Borodavkınniń málimdemesine qatysty pikir bildirdi, dep habarlaıdy “Adyrna” ulttyq portaly Atameken Business telearnasyna silteme jasap.
Erlan Qoshanov Reseıdiń Qazaqstandaǵy elshisiniń rezonans týdyrǵan suhbatyna qatysty pikirin bildirdi. Májilis spıkeriniń aıtýynsha, dıplomattyń keıbir sózi onyń statýsyna saı kelmeıdi.
"Borodavkın myrzanyń suhbatyn qarap shyqtym. Keıbir sózderi onyń statýsyna saı kelmeıdi. Borodavkın myrzany tájirıbeli dıplomat retinde tanımyz. Ol nasıhattaýshylar men saıasattanýshylarǵa uqsamaýy kerek. Bul birinshiden. Ekinshiden, ksenofobııa Reseıde de, ózge elderde de bar. Sondyqtan biz elderimizge paıdaly ispen aınalysýymyz kerek. Saıasatkerlerdiń sózi eki eldiń baılanysyna zııan keltirmeýi kerek", - deıdi Qoshanov.
