Memleket basşysy Qasym-Jomart Kemelūly Toqaevtyŋ tapsyrmasymen Mäjılıs spikerı Erlan Qoşanov Qatar astanasy Dohada ötken tötenşe Arab-İslam sammitıne qatysty. Alqaly jiynda Palata töraǧasy söz söilep, halyqaralyq qaqtyǧystardy retteu boiynşa memleketımızdıŋ ūstanymdaryn ortaǧa saldy.
Sammit barysynda Erlan Qoşanov Qatar Ämırı şeih Tämim ben Hamad Äl Tänimen jeke kezdesıp, Qazaqstan Prezidentı Qasym-Jomart Toqaevtyŋ şynaiy sälemı men ızgı tılekterın jetkızdı.
Qatar Ämırı İzrail bilıgı jasaǧan äskeri äreketke qatysty Qazaqstannyŋ ūstanymyn joǧary baǧalap, rizaşylyǧyn bıldırdı.
Sammit otyrysynda söz söilegen Mäjılıs töraǧasy qazırgı taŋda Taiau Şyǧys aimaǧy ülken geosaiasi qiyndyqtarǧa tap bolǧanyn aityp, bügıngı sammit halyqaralyq ahualdyŋ kürt naşarlauymen bailanysty ekenıne nazar audardy.
– Qazaqstan İzraildıŋ Qatar Memleketı aumaǧyndaǧy äskeri ıs-äreketın qataŋ aiyptaidy. Būl ūstanymdy Prezidentımız Qasym-Jomart Kemelūly Toqaev alǧaşqy bolyp mälımdep, Qatar memleketıne tabandy qoldauyn bıldırdı. Jasalǧan şabuyl qandai maqsatty közdese de, mūndai äreketterge jol berılmeuge tiıs. Būl Qatar Memleketınıŋ egemendık qūqyǧyn būzady jäne halyqaralyq qūqyq qaǧidattaryna qaişy keledı. Osyndai şabuyl memlekettıŋ qauıpsızdıgıne ǧana emes, halyqaralyq tärtıptıŋ negızın basşylyqqa alatyn memleketterdıŋ teŋdıgı men egemendıgıne de nūqsan keltıredı, – dedı Erlan Qoşanov.
Mäjılıs spikerı Qatardyŋ öz bıtımgerşılık saiasaty arqasynda jahandyq tūraqtylyq pen qauıpsızdıktı qamtamasyz etuge orasan üles qosyp keletının atap ötıp, halyqaralyq qaqtyǧystar men janjaldardy retteu mäselesı boiynşa Qazaqstannyŋ ūstanymdaryn ortaǧa saldy.
– Kez-kelgen daǧdarys Bırıkken Ūlttar Ūiymynyŋ Jarǧysy men halyqaralyq qūqyq normalary negızınde beibıt dialog arqyly şeşıluı kerek. Qazaqstan Prezidentı qaqtyǧystardy şeşude osy qaǧidalardy tolyqqandy qoldanuǧa, olardyŋ myzǧymastyǧyn qamtamasyz etuge şaqyryp keledı. Äskeri küş qoldanu tek zorlyq-zombylyqtyŋ jaŋa tolqynyn tuǧyzady, beikünä jandardyŋ qazasyna äkep soqtyrady, – dedı Erlan Qoşanov.
Osy oraida Mäjılıs töraǧasy Gazada bolyp jatqan qaiǧyly oqiǧalarǧa da toqtalyp öttı.
Qazaqstan Prezidentı äuel bastan Gaza sektoryndaǧy äskeri äreketterdı dereu toqtatuǧa jäne onyŋ tūrǧyndaryna gumanitarlyq kömek körsetuge tūraqty türde şaqyryp keledı. Elımız Gazaǧa qarjylai jäne materialdyq kömek körsetude.
Būl ürdıs biyl qaŋtar aiynda ştab-päterı Astanada ornalasqan Azyq-tülık qauıpsızdıgı jönındegı İslam ūiymy arqyly da jalǧasty. Osy tūrǧyda Erlan Qoşanov Palestina halqyna gumanitarlyq kömektı arttyru üşın islam elderın atalǧan ūiymnyŋ äleuetın paidalanudyŋ maŋyzdylyǧyn atap öttı.
Sonymen bırge sammit alaŋdarynda Mäjılıs spikerı Qatar Memleketınıŋ Premer-ministrı – Syrtqy ıster ministrı şeih Mūhammed ben Abdulrahman Äl Tänimen pıkır alamasyp, ekı el arasyndaǧy yntymaqtastyqty joǧary baǧalady.
