Parlament Májilisiniń tóraǵasy Erlan Qoshanov bastaǵan depýtattar delegaııasy Máskeýge keldi. Reseı astanasynda Federaldyq Jınalys Memlekettik Dýmasynyń tóraǵasy Vıacheslav Volodınmen jáne Federaldyq Jınalys Federaııa keńesiniń tóraǵasy Valentına Matvıenkomen kezdesýler ótti.
Sapar barysynda Erlan Qoshanov Memlekettik Dýmanyń tóraǵasy Vıacheslav Volodınmen ekijaqty yntymaqtastyq máselelerin talqylady. Ol Reseı Qazaqstan úshin árdaıym senimdi odaqtas, strategııalyq áriptes, tatý kórshi ekenin jáne solaı bolyp qala beretinin atap ótti.
– Elderimiz arasynda senimdi saıası dıalog jolǵa qoıylǵan. Tyǵyz ekonomıkalyq jáne mádenı-gýmanıtarlyq baılanys ornap, berik sharttyq-quqyqtyq baza qalyptasqan. Jyl ótken saıyn bul qarym-qatynastar tek nyǵaıyp keledi. Kóshbasshylarymyz Qasym-Jomart Toqaev pen Vladımır Pýtın olardy damýdyń jańa deńgeıine kóterdi, – dedi Májilis spıkeri.
Erlan Qoshanov Májilistiń Memlekettik Dýmamen ózara is-qımyldy odan ári nyǵaıtýǵa zor mán beretinine toqtalyp, Vıacheslav Volodındi Qazaqstanǵa resmı saparmen kelýge shaqyrdy.
Búginde eki el parlamentshileri dostyq toptary, ártúrli halyqaralyq jáne aımaqtyq uıym aıasynda belsendi yntymaqtastyqta jumys istep keledi. Zań shyǵarý máseleleri boıynsha tájirıbe almasady. Májilis spıkeri Reseı men Qazaqstan shekarasyndaǵy otandyq júk tasymaldaýshylardyń problemalaryn jedel sheshý Parlament depýtattary arasyndaǵy ózara is-qımyldyń naqty nátıjeleriniń biri ekenin aıtty.
Sondaı-aq tóraǵa óńiraralyq jáne ekonomıkalyq baılanystyń keleshegi jóninde sóz qozǵady. Álemdegi eń uzaq shekara Qazaqstan men Reseı arasynda ekenin, Qazaqstannyń 8 oblysy Reseıdiń 12 aımaǵymen shektesetinin atap ótti. Taýar aınalymynyń shamamen 70 paıyzy óńiraralyq jáne shekaralyq saýdaǵa tıesili. Munda da saýda qatynastaryn keńeıtý men óndiristik kooperaııany nyǵaıtý úshin áleýet zor.
Sonymen qatar spıkerler mádenıet pen bilim berý salasyndaǵy yntymaqtastyqtyń mańyzdylyǵyna nazar aýdardy. Erlan Qoshanov búginde Qazaqstanda reseılik joǵary oqý oryndarynyń alty fılıaly jumys isteıtinin aıtty.
– Sońǵy jyldary bizde ınjenerlik-tehnıkalyq saladaǵy mamandarǵa suranys joǵary. Sondyqtan Memleket basshysy elimizde tehnıkalyq mamandyqtar boıynsha sheteldik jetekshi joǵary oqý oryndarynyń fılıaldaryn ashýdy tapsyrdy. Bul turǵyda biz jetekshi reseılik joǵary oqý oryndarymen jumys isteýge nıettimiz, – dedi Májilis Tóraǵasy.
Kezdesýdi qorytyndylaı kele depýtattar parlamentaralyq yntymaqtastyqty keńeıtý jáne ekijaqty qarym-qatynasty nyǵaıtý jónindegi jumysty arttyrý týraly ýaǵdalasty.
Sondaı-aq resmı sapar aıasynda Májilis spıkeri Reseı Federaııasy Federaldyq Jınalysy Federaııa Keńesiniń tóraǵasy Valentına Matvıenkomen kezdesti.
Erlan Qoshanov áriptesine Memleket basshysynyń bastamasymen Qazaqstandaǵy mańyzdy ózgerister týraly aıtty.
– Byltyr ótken konstıtýııalyq reformaǵa baılanysty zańnamamyzdy aıtarlyqtaı jańarttyq. Biz elimizdiń konstıtýııalyq zańdaryna birqatar mańyzdy túzetý engizdik. Májilis alǵashqylardyń biri bolyp «Ulttyq qor – balalarǵa» zańyn qabyldady. Ol zań qazir qoldanysta. Jańa Bıýdjet, Salyq, Sý, Qurylys kodeksterimen jumys bastaldy, – dedi Erlan Qoshanov.
Májilis spıkeri reseılik senatorlarǵa kúzde Sankt-Peterbýrgte ótetin Tórtinshi Eýrazııalyq áıelder forýmyna tabys tiledi.
Óz kezeginde Valentına Matvıenko Qazaqstan men Reseı parlamentterin barlyq másele boıynsha berik dostyq pen ózara túsinistik baılanystyratynyn atap ótti. Federaldyq jınalys basshysy Qazaqstan depýtattarynyń zańnamalyq bastamalaryna qoldaý bildirip, osy baǵytta belsendi túrde tájirıbe almasýdy usyndy.
Májilis tóraǵasynyń resmı sapary odan ári Kazan qalasynda jalǵasady. Onda Erlan Qoshanov Tatarstan Respýblıkasynyń basshysy Rýstam Mınnıhanovpen jáne Respýblıka Memlekettik Keńesiniń tóraǵasy Farıd Mýhametshınmen kezdesýler ótkizedi.
