Qazaqstan Respublikasy PIB Prezidenttık ortalyǧynda Qazaqstan Respublikasynyŋ Prezidentı Q.Q.Toqaevtyŋ 2024 jylǧy 2 qyrküiektegı «Ädılettı Qazaqstan: zaŋ men tärtıp, ekonomikalyq ösım, qoǧamdyq optimizm» Joldauyn talqylauǧa arnalǧan döŋgelek üstel öttı.
Is-şaranyŋ maqsaty – elımızdıŋ äleumettık-saiasi jäne ekonomikalyq damuynyŋ özektı mäselelerı kontekstınde biylǧy basty saiasi qūjattyŋ negızgı erejelerıne saraptamalyq taldau jürgızu.
Döŋgelek üstel otyrysyna Qazaqstan Respublikasy Parlamentınıŋ deputattary, qazaqstandyq jäne şeteldık sarapşylar, ǧylymi qoǧamdastyq, damu instituttary men azamattyq qoǧam ökılderı, elordadaǧy joǧary oqu oryndarynyŋ professorlyq-oqytuşylyq qūramy men studentterı qatysty. Is-şarada 80-nen astam qatysuşy boldy.
Memleket basşysynyŋ jyl saiynǧy halyqqa Joldauy elımızdıŋ Negızgı Zaŋynda bekıtılgen Memleket basşysynyŋ konstitusiialyq mındetı ǧana emes, memlekettık saiasatty qalyptastyrudaǧy eŋ maŋyzdy institut bolyp tabylady.
Prezidenttıŋ Qazaqstan halqyna biylǧy Joldauynda naqty jaŋalyqtar qamtylǧan, olardyŋ jüzege asyryluy institusionaldyq reformalardyŋ kelesı kezeŋıne negız bolady.
Memleket basşysy öz Joldauynda strategiialyq mındetterdıŋ tızbesın aiqyndap berdı, olardy şeşu «Ädılettı Qazaqstan» ideologiialyq tūjyrymdamasyn naqty mazmūnmen tolyqtyrudy jalǧastyruǧa mümkındık beredı. Mamandardyŋ aituynşa, Joldauda jüzge juyq türlı bastamalar men tapsyrmalar qamtylǧan. Prezident azamattardyŋ ömır süru sapasyn jaqsartuǧa baǧyttalǧan jüielı ekonomikalyq reformalarǧa basty nazar audardy.
Memleket basşysy Qazaqstan halqyna Joldauynda elımızdıŋ odan ärı äleumettık-ekonomikalyq damuyna, aqşa-nesie jäne salyq-biudjet saiasatynyŋ arasyndaǧy teŋgerımsızdıktı joiuǧa, investisiialyq ahual men biznestı jürgızu jaǧdailaryn jaqsartuǧa, önerkäsıptık äleuettı tolyq aşuǧa baǧyttalǧan bırqatar bastamalardy alǧa tartty. Eldıŋ kadrlyq äleuetın arttyru, ūlt densaulyǧyn nyǧaitu jäne azamattardy äleumettık qoldau jüiesın qaita ıske qosu boiynşa keşendı şaralardy jüzege asyru, sondai-aq qoǧamda qūqyqtyq tärtıp ideologiiasyn tolyqqandy nyǧaituǧa baǧyttaldy.
Joldaudyŋ negızgı ideiasy – quatty azamattyq qoǧamy bar tiımdı memlekettı qalyptastyru, memlekettıŋ jaŋa saiasi gumanitarlyq ölşemın arttyru.
Prezident tūraqty äleumettık-ekonomikalyq ılgerıleudı qamtamasyz etu, azamattardyŋ jasampazdyq äleuetın jan-jaqty aşu, halyqtyŋ äl-auqatyn naqty arttyru dep memlekettıŋ negızgı mındetterın atady.
Şara barysynda Qazaqstan Respublikasy Prezidenttık ortalyǧynyŋ direktory Baqytjan Temırbolattyŋ, Qazaqstan Respublikasy Parlamentı Mäjılısınıŋ deputaty Ajar Saǧandyqovanyŋ, Qyrǧyz Respublikasynyŋ Qazaqstan Respublikasyndaǧy Tötenşe jäne Ökılettı Elşısı Dastan Düişekeevtıŋ, Parlamentarizm institutynyŋ atqaruşy direktory Almas Qanatov, Memleket tarihy institutynyŋ direktory Nūrbek Pūsyrmanov, , Qazaqstan Respublikasy Prezidentınıŋ janyndaǧy Qazaqstan strategiialyq zertteuler instituty Ekonomikalyq saiasatty taldau bölımınıŋ bas ǧylymi qyzmetkerı Aigül Köşerbaeva, «Bıryŋǧai «Jas Ūlan» balalar men jasöspırımder ūiymy» QB töraiymy Dinara Säduaqasovanyŋ baiandamalary tyŋdaldy. Sonymen qatar, Euraziialyq integrasiia institutynyŋ Ǧylymi-teoriialyq taldau jäne ädıstemelık qamtamasyz etu bölımınıŋ meŋgeruşısı Arman Eşmūratov jäne Qazaqstan Respublikasy Prezidenttık ortalyǧynyŋ ǧylymi qyzmetkerı Marian Äbışeva baiandama jasady.
Döŋgelek üsteldı talqylau nätijelerı boiynşa materialdardyŋ elektrondyq jinaǧy daiyndalady, keiınnen ony ärı qarai jūmys ısteu üşın uäkılettı memlekettık organdarǧa beru josparlanuda.
