Groznyi: "Ertıstı" apatqa ūşyratqan - basşylyq"

Ol Pavlodarda ūzaq jūmys ıstemedı, bıraq özı turaly köptegen jaqsy estelıkter qaldyrdy. Ukrainalyq jattyqtyruşy Viacheslav Groznyi «SPORTİNFORMǦA» bergen sūhbatynda «Ertıste» kımnıŋ kınäsı boiynşa jūmysyn jalǧastyrmady, boksqa nege barmaidy jäne futbol turaly kıtapty kımge jıberuge daiyn ekenın aitty. Bız qoŋyrau şalǧanda Bolgariiada demalysta jür eken. Būl elde ol bos uaqytyn ötkızudı ūnatady. "Levskide" jūmys ıstegen kezden bastap  ädet bolyp ketken. Endı onyŋ bos uaqyty köp. Sondyqtan Viacheslav Viktorovich sūhbattasuǧa oŋai kelıstı. - Viacheslav Viktorovich, sız qazırgı "Ertıstıŋ" jaǧdaiyn qadaǧalap jürsız be? - Ärine. Men tek «Ertıstı» ǧana emes, sonymen bırge būrynǧy klubym «Toboldy» da baqylap jürmın. Qalai bolǧanda da, men barşa qazaqstandyq futboldyŋ impulsın sausaǧymda ūstaimyn. Nelıkten? Maǧan sızdıŋ el, adamdar, futbolşylar ūnaidy. Men ne aita alamyn? «Ertıs» üşın būl öte ökınıştı. Pavlodarlyq janküierler mūndai masqaraǧa laiyq emes edı. Tıptı ekı jyl qatarynan. - Sızdıŋ oiyŋyzşa, olar mausym soŋynda Premer-Ligasyz qalady ma? Men senımdı emespın. Olar ūşyp ketpeidı. Jergılıktı jıgıtter legionerlermen bırge jinalyp, qalǧan matchtardy tiıstı deŋgeide ötkızu üşın barlyǧyn jasauy kerek.Turnirlık tablisada  bolyp jatqan jaǧdai apat. Bıraq bärı tüzetıledı. Dimitar Dimitrov - Esıŋızde bolsa, 2017 jyly sız Dimitar Dimitrov ketkennen keiın komandany qabyldadyŋyz jäne Europa Ligasynda oinau mındetın oryndadyŋyz. Äkım (Baqauov)  sızdıŋ jūmysyŋyzǧa öte riza boldy degen qaueset tarady. Bıraq kelısımşart jaŋartylǧan joq. Nelıkten? - Men äŋgımenı transfer terezesı jabylǧan uaqytta kelgenımnen bastaǧym keledı. Men būǧan ädeiı nazar audaramyn. Nege? Sebebı, qolda bar materialmen jūmys ısteuım kerek boldy. Jıgıtter turaly jaman söz aitqym kelmeidı, ol turaly oilamaŋyz da. Bıraq menıŋ talaptarymdy, tūjyrymdamamdy tüsınu jäne qabyldau üşın olarǧa köp uaqyt qajet boldy. Eger komandada menımen bırge jūmys jasaitynymdy bıletın bırneşe jıgıt bolsa nemese menıŋ futbolǧa degen közqarasyma säikes keletın adamdarmen bırneşe pozisiiany küşeitu mümkındıgı bolsa, bärı oŋai bolar edı. Soǧan qaramastan bız tapsyrmany oryndadyq. Ertıs oiynşylarynyŋ mınezderı men ruhtary myqty boldy. Olar osy qasiettersız oinai almas edı. Menıŋ qūramymda sözsız jetekşıler - David Loriia, Pırälı |Äliev jäne Karlos Fonseka boldy. Olardyŋ sättılıktegı rölı öte zor, ony baǧalau mümkın emes. Olardyŋ ainalasynda basqalar jinaldy. Köşbasşylar bızdı alǧa şyǧardy, mınez ben tabandylyq tanytty. Bärı bırden bastalmady, qiyndyqtar köp boldy, men köptegen teoriialyq zertteuler jürgızuım kerek boldy. Uaqyt öte kele barlyǧy oidaǧydai öttı. Bız köşbasşylarǧa qarsy keremet oinadyq - qonaqta «Ordabasy» komandasyn jeŋdık. Būl jeŋıs bızge degen senımdılıktı küşeittı. Üide «Qairatpen» teŋ tüstık - 1: 1. Onyŋ üstıne köp ūpai jinai almadyq. Sodan keiın Astanada match öttı, bız oiyn boiy jetekşılık jasadyq, bıraq sodan keiın sudia bızdıŋ qaqpamyzǧa tüsınıksız penalti belgıledı. Osy mausymnyŋ qalai aiaqtalǧany sızdıŋ de esıŋızde şyǧar: «Aqtöbege» qarsy matchta kapitanymyzdan jäne negızgı qaqpaşy Davidten jaraqatyna bailanysty aiyryldyq, ol şūǧyl türde İtaliiaǧa operasiia jasatuǧa mäjbür boldy. Būl jaraqat men barlyq oiynşylardy auystyrudy qoldanǧan sätte boldy. Iаǧni, men rezervtık qaqpaşyny bosata almadym. Üş oiynşy da auysyp qoiǧan bolatyn. Sodan keiın maǧan qaqpaşylardyŋ jattyqtyruşysy Andrei Nenaşev qorǧauşy Ruslan Esımovtıŋ  bala kezınde qaqpaşy  bolǧanyn älı de qaqpaǧa myqty tūratynyn aitty. Söitıp qaqpaǧa Esımov  tūrdy. Bızdı bırneşe ret qūtqardy! Bıraq bızde bır oiynşy az boldy. «Aqtöbenı » ol kezde Mūhanovty jattyqtyrdyü  olarǧa da ūpai auadai qajet boldy. Bırınşı  goldy qonaqtar soqty. Bız jeŋılıp jatyrmyz - 0: 1. Soŋǧy minutta bız eseptı teŋestırdık! Azşylyqta. Kördıŋız be, men osynyŋ bärın keşegıdei esımde saqtaimyn. Bärı köz aldymda. Soŋǧy turdy esıŋızde saqtaŋyz: «Şahtermen» oinaimyz, jeŋıs üşın mūrynnan qan aqty, äitpese Europa Ligasyn körmeimız. Al soŋǧy minutta Fonseka gol soqty! Osynyŋ bärı menıŋ esımde.  Komandanyŋ mınezı temır edı! Fonsekanyŋ sol goly - Osy oiynnan keiın sız şeşınu bölmesınde lezginka biledıŋız. Būl aiaqasty şeşım boldy ma? - Joq. Būl uäde bolatyn. Men ärqaşan sözımdı ūstaimyn. Jazda David Loriia maǧan: «Viktorich, eger sız Europa ligasyna kırseŋız, sız Groznyidaǧydai bileisız be?» - dedı. Men oǧan: «Däl dalada, stadionda bırge öner körsetemız» dep jauap berdım. Bıraq men aitqandai, David ol kezde operasiiada bolatyn. Nege Davidpen bilegım keldı? Öitkenı, ol gruzin, lezginkany qalai ädemı bileu kerektıgın bıledı. Men uäde etkendei, şeşınu bölmesınde biledım. Jıgıtter ony videoǧa tüsırdı, sodan keiın ol jelıge tarap kettı. Men eşteŋege ökınbeimın, jattyqtyruşyuädesın  ūstauy kerek dep oilaimyn. - Äkım riza boldy. Sızge kelısımşartty jaŋartudy ūsyndy, ma? Bolat Jūmabekūly Baqauov mausym aiaqtalǧannan keiın maǧan nätijege, menıŋ jūmysyma riza ekenın, ärı qaraiǧy yntymaqtastyqqa quanyşty bolatynyn aitty. Men sabyrly türde üige kettım. Jarnama jattyqtyruşysy - Al sız «Ertıs» jaŋa bapker ızdeitının qaidan bıldıŋız? - Ärıptesıŋızden. Ol maǧan qoŋyrau şalyp, «Ertıs» jarnama arqyly jattyqtyruşy ızdep jatqanyn bıletısız be dep sūrady. Men ol äzıldep jatyr dep oiladym. Bıraq sodan keiın būl äzıl emes ekenı belgılı boldy. - Ol kezde ne boldy? - Būl klubtyŋ būrynǧy direktory Janaidar Düisembaevtyŋ intrigalary bolatyn. Mūnyŋ bärı onyŋ jasaǧan ısı. Ol öz jattyqtyruşysyn äkelgısı keldı, ol ony qalauy boiynşa būrap, jūmsai alady. Bılesız be, mūnyŋ bärı las närse men agenttıŋ ısı. Ökınışke orai, Qazaqstanda futbol klubtaryn basqaru  dūrys jolǧa qoiylmaǧan. Bas bapker nätijege, proseske, futbolşylardyŋ ösuıne jauap beredı. Keŋselerdıŋ menedjerlerı komandaǧa qyzmet körsetumen ainalysuy kerek, ony qamtamasyz etuı kerek. Bırde-bır futbolşy bapkerdıŋ erkınsız kelıp, ketpeuı kerek. Tek bas bapkerdıŋ rūqsatymen. Bükıl älem osylai jūmys ısteidı. Jattyqtyruşy tıkelei jūmys beruşısıne, oǧan jalaqy töleitınderge esep beruı kerek. Menıŋ jaǧdaiymda būl äkım. Eger men «Qairatta» jūmys ıstesem, onyŋ iesı Boranbaev bolar edı. Futboldy jaqsy bıletın qazaqstandyq klubtardyŋ direktorlaryna jäne Sızge «TheManager» kıtabyn oquǧa keŋes beremın. Qajet bolsa olardy jıbere alamyn. Onda barlyq prosester qalai bolatyndyǧy sipattalǧan. Janaidar Düisembaev - Bıraq Düisembaev futboldy tüsınbeidı me? - Boksşyǧa futboldy qalai tüsınuge bolady? Qalai oilaisyz, men qazır boksqa barsam dūrys bolar ma?   - Joq ärine. - Nege eşteŋenı tüsınbeitınder futbol klubtaryn basqarady? Janaidar Begaidarūly «Ertıske» deiın eşqaşan būl sportqa qatysy bolmaǧan. Al menı alyp tastady, ne boldy? Būl qalai bolǧanyn esımızge tüsıreiık: ol agentterdıŋ aldap-arbauynyŋ äserıne boi aldyryp, «Ertıske» ispandyq Jerar Nusty äkeldı. Menıŋ būl balaǧa (Nusqa)  qarsy eşteŋem joq. Mäsele Nusta emes. Bıraq Nus qanşa uaqyt jūmys ıstedı? - Bır jarym-ekı ai. - Būl Nustyŋ eŋbegıne barlyq jauap. Jıgıttıŋ köp jūmys täjıribesı bolǧan joq. Ol taldauşy (analitik) boldy. Al Düisembaev aqyry jūmystan bosatyldy. Bıraq keş boldy, mausym qyzu jürıp jatty, komanda nätije bermedı, ispandyqtan keiın kömekşı bolǧan  Dmitrii Kuznesov ta komandany  tarta almady.Būnyŋ aqyry qaida äkeldı? Olar Dimitar Dimitrovty qaitardy. Bıraq, bylyq-şylyqtyŋ köptıgınen,  äuesqoi menedjerlerdıŋ büldırgen jūmystarynyŋ kesırınen  Dimitrovqa öte qiyn boldy. Ol komandany jeŋılısten qūtqardy. «Ertıske» qatysty būny jetıstık dep aituǧa bolmaidy. Äuesqoilardyŋ arqasynda mausym sätsız boldy. Tyŋdaŋyz, men Mäskeudıŋ «Spartakta», bolgariialyq "Levskide", "Dinamo" Tbiliside jūmys ıstedım, Ukrainanyŋ "Dnepr" siiaqty komandalaryn jattyqtyrdym, men Ukrainanyŋ eŋ üzdık jattyqtyruşysy dep tanyldym, men Ukrainanyŋ qūrmettı jattyqtyruşysymyn. Mende ülken täjıribe bar. Men barlyq basşylardy kördım. Bıraq «Ertıstegı» siiaqty jaǧdai mende eşqaşan bolǧan emes. - Sızdıŋşe, Dimitrov biyl nege nätije körsete almady? - Maǧan tüsınık beru qiyn, sebebın bılmeimın. Sondyqtan menıŋ öz tarapymnan mūny talqylau dūrys bolmas edı. Men onymen Bolgariiada kezdesıp, söilesemın dep ümıttenemın. Men däl qazır demalystamyn. Bıraq bır närsenı naqty aita alamyn: Dimitrov - bılıktı maman, eger ol oǧan eşkım kedergı jasamas, nätije berudı bıledı. Onyŋ klubtan qalai şyǧarylǧanyna qarap, oǧan jūmys ıstetpegen dep aita alamyn. Sonymen, komandada, klubta bırlık bolmady. Eger būl bolmasa, onda nätije de bolmaidy. Menıŋ oiymşa, basşylyq özderınıŋ müddelerın jattyqtyruşy men komandadan joǧary qoiady. Futboldy jaŋadan oilap tabu mümkın emes. Barlyq zaŋdar jazylǧan. Tek olardy ūstanu kerek. «Olar menı aldady» -Baqauov Sızdı qaldyrǧysy keldı dep aityp otyrsyz. Bıraq, Düisembaev nelıkten jaŋa bapker ızdei bastady? - Olar menı aldady dep oilaimyn, olar menı basqa klubpen kelıskenmın dedı.  Äkımge bıreuler ötırık aitqan, men būǧan senımdımın. Aitpaqşy, men Düisembaev klubty resmi emes türde basqaratynyn estıdım. Ol komandamen bırge saparlarǧa şyǧady, oiynşylarmen kelıssözder jürgızedı. - Aitpaqşy, Tobylǧa köŋıl audaraiyq. Ol jaqtan da jūmbaq küide kettıŋız. Sız jattyǧu jiyndaryna kelıp, jaŋa kelısımşartqa qol qoiuy kerek edıŋız, bıraq olai bolmady. - Olai aitatyndarǧa senbeŋız. Men keldım, jiyn ötkızdım. Olar maǧan kelısımşart ūsyndy. Bıraq men oǧan menıŋ közqarasym boiynşa şaqyrǧan oiynşylarǧa qol qoiylǧannan keiın ǧana qol qoiatynymdy aittym. Olar (jaŋa oiynşylar) maǧan kerek edı, men olar üşın basymdy iıp jauap berdım. Bıraq būl oryndalmady. - Nege? - Sodan keiın klub basşylyǧynda jai ǧana özgerıs boldy. Bız 2012 jyly Nikolai Paninmen bırge jūmys jasadyq, barlyǧy jaqsy boldy. Bıraq sodan keiın äkım jaŋa direktor men sport direktoryn şaqyruǧa şeşım qabyldady. Būl nemen bailanysty ekenın bılmeimın. Panin, menıŋ ony qorǧaǧanymdy qalaǧan bolsa kerek. Bıraq, Qazaqstanda äkımnıŋ şeşımı talqylanbaidy, ol mūny menen jaqsy bıledı. Qostanaidaǧy kezeŋ turaly jaǧymdy estelıkter ǧana qaldy, bızde jaqsy komanda boldy, bız keremet futbol oinadyq, bıraq mausymnyŋ soŋynda sot zaŋsyzdyǧyna tap boldyq. Äsırese, esıŋızde bolsa, būl «Tarazben» bolǧan Qostanaidaǧy oiynda körındı. Olar bızdı janküierlerımızdıŋ aldynda aşyq türde "öltırdı". Janküierler aşulanǧandyqtan, tärtıp saqşylary sudialardyŋ qauıpsızdıgı üşın alaŋnan OMON-men ketuge mäjbür boldy. Turnirlık kestede bız būdan äldeqaida joǧary boluymyz kerek edı, bıraq töreşıler bızdı būl mümkındıkten aiyrdy. Mūny bükıl Qazaqstan kördı. Endı men Nūrbol Jūmasqalievtıŋ jūmysyn körıp, onyŋ jeŋısterıne quanǧanyma öte quanyştymyn. Bılesız be, men "Tobylmen" kelıssözge kelgende, ol äkım qabyldauynda otyrdy. Ol menı körgende: «Viktorich, men esıŋızdemın be?» dep sūrady. Men oǧan: «Ärine, sız Spartaktaǧy bızdıŋ baiqauymyzda boldyŋyz!» dedım.  Ol keremet futbolşy boldy. Endı keremet bapker bolady dep ümıttenemın. Qalai bolǧanda da, men oǧan şyn jürekten osylai bolǧanyn tıleimın. - Ertıske oralaiyq. Sızdıŋ oiyŋyzşa, būl tek menedjerler men jattyqtyruşylardyŋ ǧana emes, futbolşylardyŋ da qatelıgı boluy mümkın be? Qazırgı nätijelerge olar da kınälı şyǧar? - Eşkım olardan jauapkerşılıktı alyp tastamaidy, sebebı, olar jaqsy oinauy kerek edı. Bıraq men sızge aitaiyn: «Ertıs» tolyqtai jauyngerlık qūramǧa ie. Alaida, köşbasşy jetıspeidı. Fonseka bar, bıraq oǧan jalǧyz  qiyn. Ol alaŋdaǧy köşbasşy. Bıraq şeşınu bölmesınde tıldık tosqauyl oǧan kedergı keltıredı. Klubty osyndai küige keltırgen  lauazymdy adamdar būryn osyndai niuanstar turaly oilanuy kerek edı. Eger olar bapkerdıŋ jūmysyna aralaspasa, özderın maman retınde qalyptastyruǧa tyryspasa, komandanyŋ qūramyna kırıspese, tıptı oŋai bolar edı. Sonda köptegen qatelıkterdı boldyrmauǧa bolady. Men būryn futboldy būrmalaityn ekı närse - agentter men lotereia oiyndary dep oiladym. Bıraq Qazaqstanda üşınşı faktor bar - futboldaǧy eşteŋenı tüsınbeitın klubtardaǧy basşylar.

Audarǧan "Adyrna" ūlttyq portaly