Qostanai oblysyndaǧy mekemelerdıŋ bırınde qamauda otyrǧan adamnyŋ jaza merzımı alǧaş ret Qylmystyq kodekstıŋ jaŋa baby boiynşa köbeitıldı, - dep habarlaidy “Adyrna” ūlttyq portaly Qylmystyq atqaru jüiesı komitetınıŋ (QAJK) baspasöz qyzmetıne sılteme jasap.
Qostanai oblysynda kısı öltırgenı üşın jazasyn ötep jatqan sottaluşy beinebaqylau kamerasyn syndyryp tastaǧan. Būǧan deiın temır tordaǧy tärtıpsızdıgı üşın 36 ret eskertu alǧan. Qostanai oblysy boiynşa Qylmystyq-atqaru jüiesı departamentı kameranyŋ synǧanyna qatysty keltırılgen şyǧyndy öteu turaly talap aryzben jügındı. Sondai-aq beinebaqylau kamerasynyŋ zaqymdanuy boiynşa qylmystyq ıs qozǧaldy.
«Sottaluşy öz kınäsın moiyndap, onyŋ ökılderı 111 myŋ 400 teŋge kölemındegı şyǧyndy ötep berdı, ol öz ısın «jüikem syr berdı” dep tüsındırdı. Beinebaqylau kamerasyn büldırgenı üşın oǧan bır jylǧa bas bostandyǧynan aiyru jazasy taǧaiyndaldy, būrynǧy ükım boiynşa ötelmegen jazasyn ışınara qosyp, segız jyl bas bostandyǧynan aiyru jazasyn qataŋ rejimdegı mekemede öteu üşın tüpkılıktı jaza taǧaiyndaldy», - dep habarlady tüzeu mekemesınen.
Būǧan deiın memleket basşysynyŋ tapsyrmasymen tüzeu mekemelerındegı beinekameralardy büldırgenı üşın qylmystyq jauapkerşılık engızılgen bolatyn. Baptyŋ sanksiiasynda alty aidan jetı jylǧa deiın bas bostandyǧynan aiyru jazasy qarastyrylǧan.
Ūqsas jaŋalyqtar
