Almatylyq boıjetkendi kezdesýge shaqyrǵan azamat oǵan jaýyzdyq kórsetip, óltirgen. Týystarynyń aıtýynsha, kúdikti qylmysyn jasyrý úshin qyzdyń uıaly telefonyn alyp qashyp ketken, dep habarlaıdy «Adyrna» ulttyq portaly Astana telearnasyna silteme jasap.
Aqparatqa sáıkes, 31 jastaǵy Aınagúl Almaty qalasynda mansap quryp, jaqyndaryna járdemdesip júrgen bir úıdiń kenje qyzy bolǵan. Kezdesýge shaqyrǵan jigitti buryn 1 ret ǵana kórgen. Týystary Aınagúldiń kezdesý aldynda qaldyrǵan aýdıo jazbasyn bólisti. Onda ol 1 saǵat otyryp, úıge qaıtamyn dep habarlama qaldyrǵan. Alaıda bul jas qyzdyń sońǵy haty boldy.
Kafede er azamat dórekilik tanytyp, boıjetkenniń erkinen tys áreketterge barǵan kórinedi. Artynsha jas qyzdy kúshpen súırelep dalaǵa alyp shyqqanyn birneshe kýáger kórgen. Aınagúl óz telefonynan polıııa shaqyrǵan. Alaıda shamamen 20 mınýttan soń kelgen tártip saqshylary boıjetkenniń máıitin tapty.
«Kameradan kórsetip tur, keýdesinen ıtergen sińilimdi. Sińilim qulaǵan, sodan bul jigit qashyp ketedi. Qashyp ketedi de bir 20 mınýttan keıin ba qaıtyp keledi de, telefonyn tastap ketedi. Jańaǵy telefonyn alyp ketken ǵoı, biz oılaımyz nege ol telefondy alyp ketti. Óziniń ana dokazatelstvosyn óshirý úshin alyp ketti ma deımiz. Áıtpese kelip skoryı shaqyrýǵa bolar edi. Oqıǵadan keıin kúdiktiniń jaqyndary marqumnyń ata-anasynyń úıine baryp keshirim suramaq bolǵan. Keshirim suraýdyń ornyna keýdesin kerip "my sıýda prıshlı ne opravdyvatsıa" dep tur. Janazasyn shyǵaryp bitkennen keıin keshkisin keldi, bir konvert aqsha alyp keldi, ol aqsha bizge kerek emes, qanǵa malynǵan aqsha bizdiń sińilimizdi qaıtaryp alyp kelmeıdi. Sol úshin sizderge bir ótinish jigit óz jazasyn alsyn, qolymen istegenin moınymen kótersin», - deıdi marqumnyń ápkesi.
Bul jaǵdaı Polıııa departamentinde tirkelip, tergeý áreketteri júrip jatyr.
«Atalǵan derek boıynsha Túrksib aýdandyq polıııa Basqarmasymen QR QK-niń 99-baby 1-bóligi boıynsha sotqa deıingi tergeý amaldary júrgizilip jatqanyn habarlaıdy», - dedi qalalyq polıııa departamentiniń resmı ókili Saltanat Ázirbek.
Aıtalyq, osy qylmysty jasady degen kúdikti 1991 jyly týǵan T. esimdi azamat ustalyp, qamaýǵa alyndy. Qylmystyq istiń sheńberinde tergeý áreketteri tergeýdiń obektıvtiligi, jan-jaqtylyǵy jáne tolyqtyǵy qaǵıdattaryn qatań saqtaı otyryp júzege asyrylady. Saraptamalar taǵaıyndaldy.
Marqum Aınagúldi jaqyndary óte eńbekqor, adal jan, bilikti maman, otbasynyń súıikti qyzy edi deıdi. Qaıǵydan qan jutqan onyń týystary kúdiktiniń qatań jazalanýyn suraıdy.
«Adyrna» ulttyq portaly
