Qazaqstandyq sportşylar 5-şı Düniejüzılık köşpendıler oiyndarynda top jardy. Bügın, 9 qyrküiekte el qorjynyna 3 medal tüstı, dep habarlaidy «Adyrna» tılşısı.
Atap aitsaq, audaryspaqtan 60 kelı salmaqta synǧa tüsken Qazaqstan ūlttyq qūramasynyŋ sportşysy Ermek Qūralbai altyn medalǧa ie boldy. Ol finalda Qyrǧyzstan sportşysyn jeŋdı.
Al dästürlı sadaq atudan «Puta» nysanasy boiynşa öner körsetken Qasymhan Qanat pen Aikörkem Batihan qola medalǧa ie boldy. «Arǧymaq» at-sport keşenınde ötıp jatqan bäsekege 33 memleketten 180 sportşy qatysyp jatyr.
