Belgılı qoǧam qairatkerı, aitys aqyny Bauyrjan Haliolla Facebook äleumettık jelısındegı paraqşasynda «Aqiqat tübı aityluy tiıs» degen jazba jariialady, dep habarlaidy «Adyrna» tılşısı.
Aitysker öz sözınde: «Eger änūrannyŋ qazırgı mätınıne mındettı türde qosalqy avtor ataluy kerek bolsa, ol Nesıpbek Aitūly boluy tiıs. Öitkenı būrynǧy sözıne az-maz özgerıs engızıp, bügıngı kezeŋge laiyqtaǧan Nazarbaev emes Nesaǧaŋ edı. Ony közı tırısınde özı talai aitqan, ainalasy da bıledı!»— deidı.
Qazırgı änūranymyz «Menıŋ Qazaqstanym» änınıŋ sözın Jūmeken Näjımedenov pen änın Şämşı Qaldaiaqovtar 1956 jyly jazǧan. Sodan berı būl tuyndy qazaq halqynyŋ ruhyn köteretın änderdıŋ bırı bolyp keldı. 2006 jyldyŋ 7 qaŋtarynda eks-prezident Nūrsūltan Nazarbaev Konstitusiialyq zaŋ küşı bar Jarlyq şyǧaryp, atalǧan ändı memlekettık rämız – Änūran retınde bekıttı. Eks-prezident än mätınıne azdaǧan özgerıster engızıp, öz atyn da Memlekettık rämızdıŋ avtorlyǧyna qosqyzǧan bolatyn.
Asyl Abai
«Adyrna» ūlttyq portaly
