Düniejüzılık köşpendıler oiyndary. El qorjynynda 25 medal bar

1394
Adyrna.kz Telegram
https://adyrna.kz/content/uploads/2024/09/img_8856.jpeg

Qazaqstan ūlttyq qūramasy Astanada ötıp jatqan V Düniejüzılık köşpendıler oiyndarynyŋ ekınşı jarys künın 14 altyn, 3 kümıs, 8 qola medalmen aiaqtady, dep habarlaidy «Adyrna» tılşısı.

Atap aitsaq, Jaqsylyq Üşkempırov atyndaǧy jekpe-jek saraiynda ötken qazaq küresınen finaldyq kezeŋde qazaqstandyq segız baluan küresıp, bärı de altyn medal enşıledı.

Jamby atu sportynyŋ Aziia stilınen jüldelı üş oryndy da qazaqstandyq sportşylar jeŋıp aldy. Jarys nätijesı boiynşa Batyr Beksauyt altyn jüldege ie boldy. Kümıs medaldı Aitbek Sarybai enşılese, qola jüldenı Eralhan Aiköz ielendı.

Qazaqstandyq sportşylar audaryspaqtan üş salmaq därejesınde de altyn medal aldy. 60 kelıde Ermek Qūralbai, 70 kelıde Almat Lätıpbek, 80 kelıde Daryn Ötkelbai jeŋımpaz atandy.

Al sadaqşylarymyz «Puta» nysanasynda 3 medaldy qanjyǧalaryna bailady.Aikörkem Batihan men Qasymhan Qanat qola medal ielense, Jänıbek Qūlmyrzaev altyn medal aldy.

Kuraştan qazaqstandyq 6 sportşy jüldege ie boldy. 87 kelı salmaqta Albina Bahieva altyn jülde alsa, 79 kelı salmaqta Ajar Salyqova men +100 kelıde Marat Baikamurov kümıs jüldenı enşıledı. 81 kelı salmaqta Erzat Arǧynov, 81 kelı salmaqta Bekädıl Şaimerdenov pen 87 kelı salmaqta Ūlbolsyn Adilova qola jülde aldy.

Saha halqynyŋ ūlttyq sporty mas-restlingten erler arasynda 65 kelı salmaqta Bırımjan Asylmūrat pen äielder arasynda 55 kelı salmaqta Tahmina Qojamberdieva qolda jülde ielendı.

«Qazanat» ippodromynda ötken kökpardan ırıkteu kezeŋınde Qazaqstan qūramasy Özbekstandy 16-0 esebımen jeŋdı. Al kökbörıden ūlttyq qūrama sportşylary AQŞ komandasymen kezdesıp, 18-0 esebımen alǧa şyqty.

Aita keteiık, 13 qyrküiekke deiın jalǧasatyn V Düniejüzılık köşpendıler oiyndaryna älemnıŋ 89 elınen 2430 sportşy qatysyp jatyr. Bairaqty bäsekede Qazaqstan namysyn 261 sportşy qorǧaidy. Köşpendıler oiyndarynda 21 sport türı boiynşa 97 medal jiyntyǧy sarapqa salynady.

Pıkırler