Arystaǧy qaiǧyly oqiǧadan keiın barşa qazaqstandyqtar kömek qolyn sozudan aianbady. Semeiden Arys qalasyna üş erıktı brigadasy jıberıldı. Olar qalany qaita qalpyna keltıruge belsene qatysty. Bes adamnan tūratyn brigadanyŋ bıräz bölıgı älı de sol jaqtaǧy jūmystaryn jalǧastyruda. Al, qalǧandary Semeige oraldy. Äkımdıktıŋ kışı zalynda qala basşysy Arys qalasyn qalpyna keltıruge qatysqan jandardy alǧys hattarmen marapattady. Al, jergılıktı käsıpkerler qarjylai syilyqtaryn tabys ettı.
- Bügın bız 24 mausym Arys qalasynda oryn alǧan jaǧdaiǧa bailanysty kömek körsetken jandarǧa alǧys aituǧa jinalyp otyrmyz. Qalamyzdyŋ 39 tūrǧyny qaita qalpyna keltıru jūmystaryna qatysty. Osy jandardy qarjylai marapattauǧa kelgen «Polimerlı būiym zauyty» JŞS men «Qazyna» oiyn-sauyq keşenınıŋ käsıpkerlerıne rizaşylyǧymdy bıldıremın,-dedı Ermak Sälımov.
15 künnıŋ ışınde semeilıkter Arys qalasynda qūrylys jäne ärleu jūmystaryn jürgızdı. Esterıŋızge sala keteiık, 24 mausym künı Arys qalasynyŋ oq-därı qoimasynda jarylys bolyp, qalany dür sılkındırgen edı. Nätijesınde tūrǧyndar evakuasiialanyp, üiler men qala joldary qirady. Qazırgı taŋda, qalany qalpyna keltıru jūmystary qarqyndy jürgızılıp, tūrǧyndar öz üilerıne bırtındep oraluda.
"Adyrna" ūlttyq portaly
