Aqtöbedegı mektepterdıŋ bırınde 7-synyp oquşysy jüktı bolyp qaldy. Polisiia aqparatty rastady, - dep habarlaidy "Adyrna" ūlttyq portaly Aktobe Times basylymyna sılteme jasap.
Būǧan deiın qala jūrtşylyǧynda Aqtöbedegı mektepterdıŋ bırınde 7-synyp oquşysynyŋ zorlanǧany turaly aqparat taraǧan bolatyn.
Aqtöbe oblystyq polisiia departamentınıŋ baspasöz qyzmetı qyzdyŋ jüktı bolyp qalǧanyn rastady. Alaida poliseiler qyzdyŋ zorlanbaǧanyn alǧa tartady. Poliseiler oquşy qyzdyŋ serıktesınıŋ jasyn jariialamady.
«Zorlau faktısı rastalǧan joq. Qyz jüktı boldy, qalǧanyn aita almaimyn», - dedı PD baspasöz qyzmetınıŋ basşysy Erbolat Sarqūlov.
Eske sala keteiık, mausym aiynda Pavlodar oblysynda 12 jastaǧy oquşy qyz bosanǧan bolatyn. Kämeletke tolmaǧan balanyŋ jüktılıgın bırınşı bolyp mūǧalımder baiqaǧan. Osy oqiǧadan keiın aimaqta tergeu jūmystary bastaldy. Mektep direktory aryz jazyp, öz erkımen jūmystan şyǧyp, audandyq bılım bölımınıŋ basşysyna qataŋ sögıs jariialandy.
Belgılı bolǧandai, pavlodarlyq mektep oquşysy zorlanǧan soŋ jüktı bolyp qalǧan. Balalar ombudsmenı Dinara Zäkievanyŋ aituynşa, kämelet jasqa tolmaǧan balaǧa zorlyq-zombylyq körsetu faktısı boiynşa tergeu jürıp jatyr.
Ūqsas jaŋalyqtar
