Aqtöbe garnizonynyŋ äskeri soty Batys Qazaqstan oblysyndaǧy «Tasmola» şekara bölımşesınıŋ bastyǧy Sūltan Qonarovqa qatysty qylmystyq ıstı qarady. Ol qyzmettık ökıletın asyra paidalandy dep aiyptaldy, dep habarlaidy «Adyrna» tılşısı QazAqparatqa sılteme jasap.
Tergeu materialdaryna säikes, bölımşe basşysy kelısımşartpen qyzmet etetın äskeri qyzmetkerlerden şekara bölımşesın jöndeuge qajet degen syltaumen 15 myŋ teŋgeden aqşa jinaudy tapsyrǧan. Jinalǧan qarajat sarbazdardyŋ bırınıŋ esepşotyna audarylyp otyrǧan. Osylaişa äskeri jarǧy men ışkı tärtıp talaptary būzylǧan.
Sot mälımetınşe, 20-ǧa juyq äskeri qyzmetker aqşa audarǧan. Keiın jinalǧan qarjynyŋ bır bölıgı Qonarovtyŋ jeke qajettılıkterıne jūmsalǧan: ol qaryzyn ötep, dükenderden tūrmystyq zattar satyp alǧan, sondai-aq moduldı üiıne plastikalyq tereze ornatuǧa tapsyrys bergen. Būdan bölek, 60 myŋ teŋgenı qolma-qol alǧany anyqtaldy.
Sot barysynda onyŋ eŋbek demalysyna şyqqan qyzmetkerlerden de türlı zattar alyp berudı sūraǧany belgılı boldy. Äskeri qyzmetkerler aiaq kiım men sömke satyp äperıp, kei jaǧdaida dükenderdegı qaryzdaryn japqan. Keibır qarjy sottaluşynyŋ äielınıŋ esepşotyna audarylǧan. Tergeu deregınşe, bastapqyda 15 myŋ teŋgeden bastalǧan aqşa jinau kölemı keiın 100–150 myŋ teŋgege deiın ösken.
Alaida Sūltan Qonarov sotta öz kınäsın moiyndamai, būl äreketterdı bölımşede uaqytşa mındet atqarǧan basqa äskeri qyzmetker ūiymdastyrǧanyn mälımdedı.
Sot ükımımen Qonarov kınälı dep tanylyp, 6 jylǧa bas bostandyǧynan aiyryldy. Sonymen qatar oǧan ömır boiy äskeri jäne memlekettık qyzmette jūmys ısteuge tyiym salyndy. Jazasyn ortaşa qauıpsızdık mekemesınde öteidı. Jäbırlenuşılerdıŋ azamattyq talaptary tolyq qanaǧattandyryldy.
Eske sala keteiık, būǧan deiın Aqtöbede kursanttyŋ ölımınen keiın ekı äskeri qyzmetker de sottalǧan bolatyn.
