Özbekstanda memlekettık qyzmette jürıp, käsıpkerlık subektılerıne ielık etken 3 ministrlıktıŋ 107 mamany anyqtaldy. Būl turaly Kazinform agenttıgınıŋ Taşkenttegı menşıktı tılşısı Älihan Asqar jariialady, dep habarlaidy “Adyrna” ūlttyq portaly.
Aqparatqa säikes, kölık ministrlıgı, mektepke deiıngı jäne mekteptegı bılım ministrlıgı men mädeniet ministrlıgınıŋ basşylyq lauazymdaǧy 107 qyzmetkerı 116 käsıpkerlık subektısınıŋ qūryltaişysy bolǧany anyqtaldy.
Özbekstannyŋ sybailas jemqorlyqqa qarsy ıs-qimyl agenttıgınıŋ mälımetınşe, Kölık ministrlıgınde 50 qyzmetker 55 kompaniianyŋ qūryltaişysy bolsa, Mektepke deiıngı jäne mekteptegı bılım ministrlıgınde 37 maman 39 bizneske ielık etken.
Būǧan qosa, mädeniet ministrlıgınıŋ 20 qyzmetkerı 22 kompaniianyŋ basşysy ekenı anyqtaldy.
Agenttık atalǧan ministrlıkterge tiıstı ūsynys joldap, memlekettık qyzmetşılerge eskertu jasaǧan. Qazırgı uaqytta zaŋ būzuşylyqtardy joiu boiynşa jūmys jürgızılıp jatyr.
Aita keteiık, būǧan deiın Özbekstanda öz qyzmetın dūrys atqarmaǧan 18 imam qyzmetınen şyǧarylǧanyn habarladyq.Ūqsas jaŋalyqtar
