Memleket basşysy Qasym-Jomart Toqaev Özbekstan prezidentı Şavkat Mirziioevpen bırge Türkıstandaǧy jaŋa meşıttı aralap kördı, dep habarlaidy "Adyrna".
Aqorda mälımetıne süiensek, Qasym-Jomart Toqaev pen Şavkat Mirziioev Qazaqstan men Özbekstan arasyndaǧy bauyrlastyq bailanys jäne ruhani yntymaqtastyq nyşany retınde Türkıstanda boi kötergen meşıtpen tanysty.
"Qūlşylyq üiınıŋ ortalyq zalynda Qūran oqyldy", delıngen Aqorda habarlamasynda.Meşıt Özbekstan prezidentınıŋ Türkıstan tūrǧyndary men barşa qazaqstandyqtarǧa tartuy retınde salynǧan.
Ǧimaratta dästürlı islam elementterı zamanaui qūrylys tehnologiialarymen üilesım tapqan. Qasbetı men ışkı aumaǧy ūlttyq oiu-örnekpen jäne mūsylman kalligrafiiasymen bezendırılgen. Mūnaralardyŋ biıktıgı – 61 metr.
Ǧibadat orny jaŋa injenerlık jelılermen jabdyqtalǧan. Sondai-aq abattandyrylǧan aumaqta jaryqtandyru jüielerı, demalys aimaqtary, subūrqaqtar bar.
Ūqsas jaŋalyqtar
