Bügın, 16 qyrküiekte Qarjylyq monitoring agenttıgı basşysy Dmitrii Malahov qyzmetınen bosatyldy, dep habarlaidy «Adyrna» tılşısı.
Memleket basşysynyŋ jarlyǧymen būl qyzmetke Janat Elimanov taǧaiyndaldy. Ol 2024 jylǧy aqpannan bastap Ūlttyq qauıpsızdık komitetı töraǧasynyŋ bırınşı orynbasary qyzmetın atqarǧan edı.
Janat Elimanov 1978 jyly Qaraǧandy qalasynda düniege kelgen. E. Böketov atyndaǧy Qaraǧandy memlekettık universitetın tämamdaǧan.
Eŋbek jolyn 2000 jyly Qaraǧandy qalasy prokuraturasynyŋ sot qaulylary jäne atqaruşylyq ıs jürgızudı oryndaudaǧy zaŋdylyqty qadaǧalau bölımı prokurorynyŋ mındetın atqaruşy bolyp bastaǧan.
2000 jyldan 2007 jylǧa deiın Qaraǧandy oblysynyŋ jäne Astana qalasynyŋ prokuratura organdarynda ärtürlı lauazymdarda qyzmet atqardy.
2007 jyldan 2017 jyl aralyǧynda ädılet jäne qarjy ministrlıkterınıŋ, Ekonomikalyq jäne sybailas jemqorlyq qylmystarymen küres agenttıgınıŋ qūrylymdarynda türlı qyzmetterdı atqardy.
2017 jyldan 2019 jyl aralyǧynda QR Bas prokuraturasynyŋ qūrylymdyq bölımşelerınde basşylyq lauazymda boldy.
2019 jyldyŋ aqpan aiynan säuır aiy aralyǧynda Qaraǧandy oblysy prokurorynyŋ orynbasary qyzmetın, al 2019 jylǧy säuırden Qarjy monitoringı komitetı töraǧasynyŋ orynbasary lauazymyn atqardy.
