Äleumettık jelıde Almatydaǧy köpqabatty üilerdıŋ bırınıŋ 13-qabatynan qūlap ketken 12 jastaǧy qyzdyŋ ölımı turaly aqparat taraluda, - dep habarlaidy "Adyrna" ūlttyq portaly.
Basylymnyŋ mälımetınşe, oquşy qyz qosymşa sabaqqa baru üşın üiden şyǧyp ketken. Alaida ol 13 qabatty tūrǧyn üige köterılgen.
Almaty polisiia departamentı qyzdyŋ ölımın rastady.
«Osy faktı boiynşa Bostandyq audandyq polisiia bölımı qylmystyq ıs qozǧady», - dep habarlady departamenttıŋ baspasöz qyzmetı.
Sondai-aq poliseiler internette marqūm qyzdyŋ qauıptı «Kögıldır kit» oiynyn oinady degen aqparattyŋ şyndyqqa janaspaitynyn atap öttı.
«Qaitys bolǧan balanyŋ qauıptı oiyndar oinap, öz-özıne qol jūmsau turaly jazba qaldyrǧany turaly äleumettık jelılerde taraǧan aqparattyŋ şyndyqqa janaspaitynyn habarlaimyz, Almaty qalalyq polisiia departamentı kez kelgen adam jalǧan aqparat taratqany üşın qylmystyq jauapkerşılıkke tartylatynyn eskertedı», - dep habarlady baspasöz qyzmetı.
Ūqsas jaŋalyqtar
