22 qyrküiek künı Abai oblysynda Qazaqstannyŋ halyq ärtısı, KSRO halyq ärtısı, Abai oblysynyŋ qūrmettı azamaty, änşı Bibıgül Tölegenovanyŋ 95 jasqa toluyna arnalǧan «Qazaqtyŋ Bibıgülı – halyqtyŋ būlbūl ünı» atty konsert öttı. Būl turaly oblystyq äkımdıktıŋ baspasöz qyzmetı aitty, dep habarlaidy «Adyrna» tılşısı.
Än keşınde otandyq jäne şeteldık kompozitorlardyŋ operalarynan ariialar, halyq änderı, romanstar, orkestrlık şyǧarmalar oryndaldy.
Konsertte Ämıre Qaşaubaev atyndaǧy Memlekettık filarmoniia janyndaǧy «Bibıgül» qazaq halyq aspaptar orkestrı, mädeniet salasynyŋ üzdıgı Nūrbek Ömırbekov, respublikalyq konkurstardyŋ laureaty, Ämıre Qaşaubaev atyndaǧy Memlekettık filarmoniianyŋ änşısı Äigerım Toqtybaeva, respublikalyq konkurstardyŋ laureaty, Abai oblysy äkımınıŋ estradalyq-simfoniialyq orkestrınıŋ solisı Äigerım Äşırova öner körsettı.
Sondai-aq keş qonaqtarynyŋ qatarynda Qazaqstannyŋ eŋbek sıŋırgen ärtısı Maira İliasova, Qazaqstannyŋ eŋbek sıŋırgen qairatkerı Tolqyn Zabirova, Qazaqstannyŋ eŋbek sıŋırgen qairatkerlerı Azamat Jyltyrközov, Jūpar Ǧabdullina, Bibıgül Tölegenovanyŋ Halyqaralyq vokalister baiqauynyŋ jeŋımpazy Nūrjan Bajekenov syndy öner saŋlaqtary boldy.
«Qazaqtyŋ şoq jūldyzy, älemge äigılı soprano dauysynyŋ iesı Bibıgül Ahmetqyzy Tölegenovanyŋ mereitoiyna arnalǧan merekelık konsertke jinalyp otyrmyz. Asa qadırlı Bibıgül Ahmetqyzy, ǧajaiyp dausyŋyzben qazaq än önerın biıkke köterıp, ūlttyq mädenietımızdıŋ asyl mūrasyn älemge tanytuda qosqan ülesıŋız elden eren. Sızge myqty densaulyq, baiandy ǧūmyr tıleimız. Aldaǧy uaqytta da önerıŋızden när alyp, jastarymyz sızdıŋ eŋbek jolyŋyzdy ülgı etedı dep senemız», — dedı öz qūttyqtauynda oblys äkımı Nūrlan Ūranhaev.
Qazaq dalasyn öz änderımen terbetken tanymal talant iesı 1929 jyly 16 jeltoqsanda Semei qalasynda düniege kelgen. Almaty memlekettık konservatoriiasyn (Qūrmanǧazy atyndaǧy Qazaq ūlttyq konservatoriiasyn) bıtırgen.
<View this post on Instagram
