Fransiiadaǧy «Ūlttyq bırlestık» ırı partiiasynyŋ jetekşısı Marin Le Penge qatysty sot prosesı bastaldy. Ol Euroodaq qarjysyn jymqyrdy dep aiyptalyp otyr, dep habarlaidy «Adyrna» tılşısı.
Saiasatkermen qatar partiianyŋ basqa 23 müşesı de qarjylyq zaŋ būzuşylyqtar boiynşa küdıkke ılındı. Boljaldy shemalar 2004 jäne 2016 jyldar aralyǧynda jasalǧan boluy mümkın.
Qūqyq qorǧau organdarynyŋ mälımetınşe, keltırılgen jalpy şyǧyn kölemı 6,8 million euroǧa baǧalanyp otyr.
Marin Le Pennıŋ özı būl aiyptaulardy joqqa şyǧardy. Eger onyŋ kınäsı däleldense, fransuz ultra oŋşyl köşbasşysy 10 jylǧa bas bostandyǧynan aiyrylyp, 1 mln euroǧa deiın aiyppūl töleidı. Sondai-aq memlekettık qyzmetke qatysuǧa 5-10 jylǧa tyiym salynuy mümkın.
