Litva ükımetı Belarus prezidentı Aleksandr Lukaşenkonyŋ öz halqyna qarsy jasaǧan qylmystaryn tergeuge arnalǧan materialdardy Gaagadaǧy Halyqaralyq qylmystyq sotqa resmi türde tapsyrdy. Tiıstı mälımdeme bügın, 30 qyrküiekte Litva Ädılet ministrlıgınıŋ saitynda jariialandy, dep habarlaidy «Adyrna» tılşısı.
«Belaruste 2020 jyldyŋ 1 mamyrynan bastap künı bügınge deiın joǧary lauazymdy saiasatkerler men äskeri qyzmetkerlerdıŋ nūsqauy boiynşa adamzatqa qarsy qylmystar, onyŋ ışınde deportasiia, qudalau jäne basqa da äreketter jasaldy dep sanauǧa negız bar»,—delıngen habarlamada.
Ädılet ministrlıgınıŋ habarlauynşa, Litva Belarustegı ahual turaly qūjattardy Halyqaralyq qylmystyq sot qarauyna bergen alǧaşqy memleket bolyp otyr.
Eske salaiyq, 2020 jyly būl elde prezident sailauynan keiın jappai narazylyq bastalǧan edı. Ol 6 aidan astam uaqyt boiy jalǧasty. Qauıpsızdık küşterı narazylyq aksiialaryn qataŋ türde basyp tastady. Kemınde tört adam qaza tauyp, jüzdegen adam oppozisiialyq äreketterı üşın türmege jabyldy.
