Qazaqstan men Ündıstan terrorizmge qarsy bırlesken oqu-jattyǧuyn bastady. Būl turaly QR Qorǧanys ministrlıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
«Jattyǧu barysynda ekı kontingenttıŋ äskeri qyzmetşılerı laŋkestıkke qarsy qauıpsızdıktı qamtamasyz etu boiynşa tauly daiyndyq pen täjıribelık daiyndyq aiasynda bırlesken jūmystan ötedı. Qonu satysynda Qazaqstannyŋ Äue şabuyly küşterınıŋ äskeri qyzmetşılerı ündıstandyq ärıptesterımen bırge tauly aimaqtarda paraşiutpen sekıredı», - delıngen habarlamada.
Jyl saiynǧy bırlesken oqu-jattyǧuǧa qatysu üşın Ündıstanǧa Qazaqstannyŋ Qūrlyq äskerlerı men Äue şabuyly küşterınıŋ «Oŋtüstık» öŋırlık qolbasşylyǧy äskeri qyzmetşılerınıŋ bırıkken rotasy bardy.
Sondai-aq, «KazInd-2024» bırlesken taktikalyq oqu-jattyǧuy Qazaqstan men Ündıstan qorǧanys ministrlıkterı arasyndaǧy ekıjaqty yntymaqtastyq josparyn jüzege asyru aiasynda ötıp jatqany habarlandy.
