«Asyl arman» ūlttyq dästür men önerdı qoldau» qoǧamdyq bırlestıgı biylda auqymdy jūmysty atqarady. Būl turaly qoǧamdyq bırlestıktıŋ jetekşısı Rinat Nūraqbaev mälımdedı, dep habarlaidy adyrna.kz ūlttyq portaly.
Rinat Nūraqbaevtyŋ aituynşa, Elbasynyŋ «Ruhani jaŋǧyru» baǧdarlamasy ūlttyq qūndylyqtarymyzdy därıptep, halyqtyŋ ruhani mädenietın damytuda airyqşa röl atqaryp otyr. Sondai-aq ol atalǧan baǧdarlama «Asyl arman» qoǧamdyq bırlestıgınıŋ jūmysyn jandandyra tüskenın aitady.
– 2011 jyldyŋ tamyz aiynda qūrylǧan «Asyl arman» ūlttyq dästür men önerdı qoldau» qoǧamdyq bırlestıgı ūlttyq salt-dästürdı nasihattauǧa airyqşa nazar audaryp otyr. Sondyqtan da bız Elbasynyŋ «Ruhani jaŋǧyru» baǧdarlamasy şyqqanda qatty quanyp, onyŋ män-maŋyzyn tereŋ sezındık. Öitkenı bızdıŋ būǧan deiın jürgızgen jūmysymyz «Ruhani jaŋǧyru» baǧdarlamasyna tıkelei qatysy bolatyn. Sondyqtan da biyl bız oblystyq ışkı saiasat basqarmasynyŋ qoldauymen «Ruhani jaŋǧyru» baǧdarlamasy aiasynda arnaiy jobany ıske asyramyz dep otyrmyn. Atalǧan baǧdarlama boiynşa «Jomart jürek» degen atpen Täuelsızdık jyldarynda jetıstıp, halyqqa paidasyn tigızıp jürgen azamattardy halyqqa ülgı retınde tanystyramyz, – deidı ol.
Sondai-aq Rinat Daniiarūly oblys äkımdıgınıŋ bılım basqarmasynyŋ qoldauymen qyz balasynyŋ tärbiesıne qatysty jobany jüzege asyratynyn tılge tiek ettı. Sebebı ol 2011 jyldan berı qyzdardyŋ ūlttyq täribiesıne arnalǧan «İnabat» kluby jūmys jasap, auqymdy ıs-şaralardy ıske asyrǧanyn aitady.
– Oblystyq bılım basqarmasynyŋ qoldauymen qyz balalalardy inabattylyq jäne tän saulyǧyna tärbieleu mäselelerı boiynşa jūmys bastap otyrmyz. Bız jospar boiynşa audan-audandy aralap, kezdesuler ūiymdastyramyz. Mäselen bügın Jambyl audanyna baryp, ondaǧy qyz-kelınşektermen kezdesıp qaittyq. Bızdıŋ oblystyŋ Qordai, Jambyl, Merkı audandarynda özge ūlt ökılderı köp şoǧyrlanǧan. Olardyŋ ışınde kämılettık jasqa tolmai jatyp, nekege tūruşylar kezdesıp qalyp jatady. Kürtter men türıkter jäne düngender özderınıŋ salt-dästürı boiynşa erte jastan nekege tūra beredı. Bız olarǧa erte nekelesudıŋ ziiany turaly baiandap, zaiarly ūstanymda boluǧa şaqyramyz. Sondai-aq qazaqi audandarda da är türlı mäseleler tuyndap jatatyny jasyryn emes, – deidı ol.
«Asyl arman» ūlttyq dästür men önerdı qoldau» qoǧamdyq bırlestıgı tärbieden bölek, bılım aluǧa airyqşa köŋıl bölıp jür. Oǧan dälel 2015 jyldan berı oblystyq «Jambyl» telearnasynan köretılıp jatqan «Jas talap» intellektualdyq teleoiy.
– Atalǧan joba arqyly mektep tülekterı M.H.Dulati atyndaǧy Taraz Memlekettık Universitetınıŋ 3 grantyn iemdene alady. Sondai-aq, «Jas talaptyŋ» talapty qatysuşylaryna 75 jäne 50 paiyzdyq jeŋıldıkter qarastyrylǧan. Eger tegın granttyŋ bırın alǧan tülek basqa oqu ornyna tüstetın bolsa, äu basta rektormen kelıskendei onda ol grant küimeidı. Iаǧni, kelesı ümıtkerge berıletın bolady. Alla qalasa aldaǧy jyly taǧy da «Jas talap» intellektualdyq teleoiyny jalǧasyn tabady dep senemın, – deidı ol.
Rinat Daniiarūly bırlestık oblys pen qalanyŋ qoǧamdyq mädeni ıs-şaralaryna qatysyp, halyqqa köterıŋkı köŋıl-küi syilaitynyn aitady. Sondai-aq ūiym ökılderı qarttar jäne balalar üiı sekıldı äleumettık mekemelerge baryp, qairymdylyq konsert ūiymdastyrady.
"ADYRNA"
ūlttyq portaly
