Nūrlan Älımjan deputattyǧy turaly aityp berdı, dep habarlaidy Stan.kz aqparat agenttıgı Liter.kz basylymyna sılteme jasap.
Jaqynda belgılı öner iesı Nūrlan Älımjanovtyŋ mäjılıs deputatyna kandidattyǧyn ūsynǧany belgılı boldy. Akter parlamenttıŋ tömengı palatasynda şeneunık boludan ümıttı körınedı. Memlekettık qyzmetke auysu turaly Nūrlan Älımjanovtyŋ özı aityp bergen bolatyn.
"İia, ärine, būl men üşın jaŋa beles. Men ärqaşan elge jäne qoǧamǧa paidaly boluǧa tyrystym. Maǧan mümkındık berılgenıne quanyştymyn. Menı deputattyqqa ūsynu turaly şeşım kütpegen jerden qabyldandy dep aitu qatelık. 2017 jyly men deputattyqqa ümıtker boldym. Men "Nūr Otan" partiiasynyŋ qūramyna 2009 jyldan berı barmyn", - deidı Nūrlan Älımjanov.
Būrynnan-aq partiia qūramynda bolǧan ol taǧdyryna alǧys aitty. Adam jaŋa belestı baǧyndyru üşın ünemı damyp otyru kerek dep qysqa qaiyrdy ol. Öner iesınıŋ aituynşa deputat bolu ülken jauapkerşılıktı talap etedı. Degenmen, ol saiasatqa sanaly türde keldım dep aǧynan jaryldy.
"Men osy auqymdy jobaǧa qatysqanym üşın taǧdyryma rizamyn. Būryndary mennen saiasatqa barǧyŋyz kele me dep jiı sūraityn, däl solai boldy. Eger adam özın-özı jetıldırudı toqtatpai, kün saiyn damyp, aldyna ülken maqsattar men mındetter qoisa, olarǧa qol jetkızedı. Men saiasatqa sanaly türde keldım dep naqty aita alamyn. Qalai bolǧanda da, menı deputat etıp sailau ülken jauapkerşılık jükteidı jäne men Qazaqstan halqynyŋ igılıgı üşın jūmys ısteuge bar küşımdı salamyn", - deidı Nūrlan Älımjanov.
"Adyrna" ūlttyq portaly
