Almaty oblysy Eŋbekşıqazaq audanynyŋ bılım bölımınde eŋbek etken Zarima Qojmambetova Astanaǧa kelıp, ädıldık ızdep jür. Basqarmada bas maman bolǧan onyŋ üstınen ıs qozǧalyp, sot ükımımen oǧan 1,5 mln teŋge aiyppūl salynǧan, dep habarlaidy «Adyrna» ūlttyq portaly Qaz365.kz-ke sılteme jasap.
Zarima Astanaǧa bır buma qūjattarymen kelgen. Özı jalǧyzbasty ana. Byltyr äkesı qaitys bolǧan kezde ūstazdar qauymynan bata retınde Kaspi gold nömırıne 40 myŋ teŋge tüsken. Zarima sony jeleu etıp, ūstazdardy ūiymdastyryp, özıne jala jabyldy dep esepteidı.
- 25 qyrküiek künı menı jūmystan jalamen şyǧaryp jıberdı. Mūnda kelgen sebebım – jūmysqa qaita tūruym kerek. Men Eŋbekşıqazaq audanynyŋ Bılım bölımınde osy uaqytqa deiıngı bolyp jatqan qylmystardyŋ bärın alyp keldım. Sonyŋ bärın körsetemın. Qazırge deiın Bılım bölımınde ärtürlı qūityrqy ıster jürıp jatyr. Atap aita alamyn. Oblys äkımı Almaty oblysynyŋ äkımı oblystyŋ Bılım basqarmasynyŋ basşysyn qoldap otyr dep oilaimyn. Öitkenı Saltanat Bespaeva (basqarma basşysy) kelıp, jinalys aşqan saiyn «äkım ekeumız bır öŋırde ösıp, bır mektepte oqyǧanbyz, ol kısı menı qoldaidy» dep, qoqan-loqysyn ūstazdarǧa körsetıp jatady. Osy künge deiın qylmystaryn aitqanym üşın maǧan jala jabylyp otyr – deidı ol.
Zarima Qojmambetovaǧa sot şeşımı boiynşa 1,5 mln teŋge aiyppūl salynǧan. Onyŋ aituynşa NOBD-da (ūstazdar bazasy) joq M.Mūqatai degen ūstaz da oǧan qarsy aryz bergen.
- Ol jerde tırkelmese, maǧan qarsy aryzdy ol qalai jazyp kettı? Eŋbekşıqazaq audandyq sotyna mülde tüsınıktemesı joq adam keldı. Tüsınıkteme odan alynbaǧan. Şeşımde sol adamnyŋ esımı jazylyp tūr. Menı sol M.Mūqatai degen adam oilandyrady. 6 adam aryz jazdy deidı. Alty adamnyŋ törteuı «Zarima bırde-bır ret bızden aqşa bopsalady, sūrady» dep aitqan joq. Sotta ony özderı moiyndady», – deidı Zarima.
Sot ükımı Almaty oblysy Eŋbekşıqazaq audanyna qarasty Esık qalasynda ornalasqan №2 sotynda şyqqan. Sot qaulysynda Zarima Qojmambetova 6 qaraşada bır mekteptegı tärbieşı, mūǧalımder men psihologtardan, atap aitqanda 6 700 teŋgeden, jalpy 40 000 teŋge «zaŋsyz materialdyq syiaqyny özıne tiesılı «Kaspi.kz» qosymşasy arqyly «tekseru barysynda atalǧan mektepte oryn alǧan kemşılıkterdı anyqtamada körsetpeuı üşın alǧan» dep jazylǧan. Alaida būl aiyppen Zarima kelıspeidı.
Zarima Qojmambetovanyŋ äkesı auyr dertten köz jūmǧan. Zarimanyŋ ärıptesterı, audandyq tärbie mamandary qaitys bolǧan adamnyŋ üiıne kelıp, köŋıl aitumen qatar «az da bolsa kömek bolsyn» dep, 3000-5000 teŋge arasynda qarajattardy Zarimanyŋ kartasyna audarady. Bıraq bata jasamaǧan bır top mūǧalım Antikorǧa «aryzdanǧan».
Zarima Antikordyŋ oblystaǧy ökılınen tanysu üşın ıs-materialdaryn ala almaǧanyn aityp şaǧymdandy. Sudia Ainūr Sūltanova Zarimaǧa «sızdı jūmystan şyǧarmaidy» degenımen 24 qyrküiekte jūmystan şyǧarǧan. Endı qaitadan jūmysqa ornalasu üşın Zarima Oqu-aǧartu ministrı Ǧani Beisembaevpen kezdesıp, sonyŋ aldynda mäsele kötergısı keledı.
Ūqsas jaŋalyqtar
