Qazaqstanda AES salu mäselesı boiynşa ötken respublikalyq referendumnyŋ üşınşı exit-poll nätijesı jariialandy, dep habarlaidy «Adyrna» tılşısı.
Euraziialyq integrasiia instituty Zakon.kz tapsyrysy boiynşa zertteu jürgızdı.
Saualnama 250 uchaskenı qamtydy, onyŋ 159-y qalalarda, 91- ı auyldarda ornalasqan. 30 546 azamat sūraldy. Zertteu nätijelerınıŋ qatelıgı 1%-dan aspaidy. Barlyǧy 6 ölşeu ūiymdastyryldy.
Exit-poll derekterı boiynşa azamattardyŋ 71,8% Qazaqstanda atom elektr stansiiasyn saludy qoldap, 28,2% qarsy dauys bergen.
Aita keteiık, AES boiynşa referendum 6 qazanda saǧat 07:00-den 20:00-ge deiın öttı. Ortalyq sailau komissiiasynyŋ aldyn ala mälımetınşe, saǧat 20:00-degı jaǧdai boiynşa azamattardyŋ 63,87%-y, 7 820 918 adam dauys berdı.
Bırınşı exit poll nätijesı boiynşa referenda halyqtyŋ 69,8 paiyzy AES qūrylysyn qoldady. Saualnamany «Astana – keşendı äleumettık zertteuler instituty» jeke qory jürgızdı.
Al AMANAT partiiasynyŋ Qoǧamdyq saiasat institutynyŋ exit-poll mälımetterı boiynşa, azamattardyŋ 72,3%-y atom elektr stansiiasyn saludy qoldasa, 27,7% - y qarsy boldy.
