Qaraǧandy oblysynda "Taza Qazaqstan" ekologiialyq aksiiasy jalǧasuda. Oblys ortalyǧynyŋ ortalyq saiabaǧynda erıktıler ülken tazalyq şarasyn ūiymdastyryp, aumaqty retke keltıruge kömektestı. Olar qoqys jinady, qūrǧaq būtaqtardy şyǧardy, kögaldar men jaiau jürgınşıler joldaryn tazartty.
"Taza bolsa tabiǧat, aman bolar adamzat!" aksiiasyna jüzden astam adam qatysty. qalada qorşaǧan ortany jaqsartu üşın studentter men oquşylar, janaşyr tūrǧyndar bas bırıktırdı. Erıktıler myŋ qap qoqys jinady.
Tazalyq şarasyna qatysuşylar tıptı eŋ ūsaq tūrmystyq qoqystardy da jinauǧa tyrysty. Balalar men sport alaŋdary retke keltırıldı.
– Aksiiaǧa qatysuǧa oquşylardy şaqyrdyq. Öskeleŋ ūrpaqtyŋ tabiǧatty baǧalauy, onyŋ saqtaluyna qamqorlyq jasauy maŋyzdy. Menıŋ oiymşa, bız bırıgıp, tapsyrmany öte jaqsy oryndadyq, – dep atap öttı demalys saiabaqtary men gülzarlar basqarmasynyŋ basşysy Talǧat Baitohin.
Basty maqsat – ekologiialyq mädeniettı qalyptastyru.
– Bız jastardy tabiǧatqa jauapkerşılıkpen jäne ūqyptylyqpen qarauǧa şaqyramyz. Eŋ aldymen, lastanudyŋ aldyn alu kerek, qoqysty kez kelgen jerge tastamau kerek. Qaladaǧy tazalyq pen jailylyq ärqaisymyzǧa bailanysty, – deidı Jastar resurstyq ortalyǧynyŋ basşysy Iаkub Djamalov.
Ekologiialyq senbılıkke qosymşa retınde suret salu şeberlık sabaǧy öttı. Jas suretşıler öz suretterınde tabiǧatqa degen süiıspenşılıkterın, qorşaǧan ortaǧa degen közqarastaryn bıldırdı. Al maskot-qatysuşylar jaǧymdy köŋıl-küi syilady.
