Qaraǧandyda bır myŋ terek egıldı. Ä. Bökeihan atyndaǧy audannyŋ Qazaqstannyŋ 50 jyldyǧy saiabaǧyna piramidaly terekter köşetı egıldı. Jasyl jelekterdı egu "Taza Qazaqstan" respublikalyq aksiiasy aiasynda jalǧasty. Qala şetterı de nazardan tys qalmaidy.
Aksiiany jüzge juyq adam qoldady. Onda erıktıler, qoǧam belsendılerı, memlekettık qyzmetkerler jäne qarapaiym tūrǧyndarbar. Saiabaqty kögaldandyruǧa ata-analar balalarymen bırge kelgen. Mūnda tūrǧyndardyŋ özderı baqylaityn 20 "otbasylyq" köşet paida boldy.
Aksiia barysynda balalarǧa aǧaştardy qalai dūrys egu jäne kütu kerektıgı üiretıldı.
Sondai-aq tabiǧatqa qamqorlyq pen ūqyptylyq tanytuǧa şaqyrdy.
– Bız barlyq tūrǧyndardy qalamyzdy kögalldandyruǧa şaqyramyz. Öskeleŋ ūrpaqty tärbieleuge erekşe nazar audarǧym keledı. Sondyqtan ata-analardy balalarymen bırge aǧaş eguge şaqyrdyq. Eŋ bastysy – jasyl keŋıstıkke dūrys kütım qajet. Bız mūny qadaǧalaityn bolamyz, – dedı Tabiǧi resurstar jäne tabiǧatty paidalanudy retteu basqarmasynyŋ basşysy Baqtiiar Sanbaev.
Biyl Qaraǧandy oblysynda 130 myŋnan astam aǧaş egıldı. Onyŋ ışınde memlekettık orman qory aumaǧy 90 myŋ üieŋkı, qaraǧai, qaraǧaş köşetterımen tolyqty.
Qalalar men auyldyq eldı mekenderde 40 myŋ aǧaş egıldı.
