7-8 qazan künderı Resei astanasy Mäskeude TMD elderı basşylarynyŋ kezektı keŋesı ötedı. Köşbasşylar TMD şeŋberındegı özara ıs-qimyl turaly pıkır almasyp, 2025 jyly ūiymǧa kımnıŋ töraǧalyq etetının anyqtaidy, dep habarlaidy «Adyrna» tılşısı 24.kg-ge sılteme jasap.
Memleket basşylary aldaǧy 3 jylǧa Dostastyqtyŋ mädeni astanalaryn jariialau turaly şeşımge qol qoiyp, qūqyqtyq özara ıs-qimyl men qauıpsızdıktı qamtamasyz etuge qatysty bırqatar qūjatqa tüzetu engızbek.
Būl kezdesu Resei prezidentı Vladimir Putinnıŋ tuǧan künımen tūspa-tūs kelıp otyr. Bügın körşı el basşysy 72 jasqa toldy. Äzırge Täjıkstan, Qyrǧyzstan jäne Özbekstan prezidentterı Mäskeuge bardy. Sondai-aq kezdesuge Qazaqstan, Äzırbaijan, Türıkmenstan, Armeniia men Belarus basşylary da qatysady dep kütılıp otyr.
«Ej» Telegram arnasy bügın prezident Qasym-Jomart Toqaevtyŋ AES qūrylysy boiynşa referendum nätijelerıne basa nazar audaratynyn mälımdedı.
«Memleket basşysy referendum qorytyndysyn şyǧaryp, Qazaqstan halqyna ündeu jasamaq. Kün tärtıbınde jūmys saparymen Reseige baru jospary joq. Alaida situasiiaǧa bailanysty şeşım erteŋ qabyldanady»,—dep jazdy arna Qazaqstan prezidentı äkımşılıgındegı derekközge sılteme jasap.
Aqordanyŋ baspasöz qyzmetı Qasym-Jomart Toqaevtyŋ bügın Resei Federasiiasynyŋ prezidentı Vladimir Putinge qūttyqtau jedelhatyn joldaǧanyn habarlady.
