Prezident äkımşılıgınıŋ jäne audandyq mäslihat deputattarynyŋ kelısımı boiynşa Erlan Qūsaiyn Qaraǧandy oblysyndaǧy Būqar jyrau audanynyŋ äkımı bolyp taǧaiyndaldy, dep habarlaidy «Adyrna» tılşısı.
Būǧan deiın ol Qaraǧandy oblysy äkımınıŋ orynbasary qyzmetın atqarǧan bolatyn.
Erlan Qūsaiyn äleumettık jelıdegı paraqşasynda audan tūrǧyndarynyŋ bırqatar özektı mäselesımen tanys ekenın jetkızdı.
«Oblys äkımı Ermaǧanbet Bölekpaev äleumettık-ekonomikalyq körsetkışterdı arttyru boĭynşa bırqatar mındetter qoĭdy. Men audan tūrǧyndarynyŋ bırqatar özektı mäselelerımen tanyspyn. Ökılettı organdarmen bırlesıp şeşuge jäne halyqtyŋ äl-auqatyn jaqsartuǧa bar küşımdı salamyn. Eŋ aldymen, maǧan sızderdıŋ qoldaularyŋyz qajet. Men sızderdıŋ ūsynystaryŋyzǧa jäne kerı baĭlanystaryŋyzǧa ärdaiym aşyqpyn»,—dedı ol.
«Adyrna» ūlttyq portaly Erlan Qūsaiyndy jaŋa qyzmetımen qūttyqtap, jūmysyna sättılık tıleidı.
