Aǧylşynşasy sudai küzetşınıŋ kım ekenı belgılı boldy

Türkıstanda kesenege kelgen turistermen aǧylşynşa erkın söilesıp jürgen küzetşınıŋ kım ekenı belgılı boldy, dep habarlaidy «Adyrna» tılşısı Qaz365.kz-ke sılteme jasap. 55 jastaǧy Şer Talǧatbekūly äp sätte qaznet jūldyzyna ainaldy. Türkıstandyq azamat joǧary oqu ornyn bıtırmegen. Būǧan deiın ol jūmysta qūrylysşy, jürgızuşı bolyp jūmys ıstep kelgen. «Aǧylşyn tılın, bırınşıden, üirendım dep aitpas edım. Üirenıp jürmın. Turisterge keler bolsaq, būl qarapaiym qajettılıkten tuyndaityn mäsele ǧoi. Olar kelgennen keiın, älbette, qyzmet körsetu kerek. Qazaqta «üiden qyryq qadam attasaŋ, müsäpırsıŋ» deidı ǧoi. Tılge bır qadam jaqsy bolǧannan keiın bıreuler äjethana qaida ekenın sūraidy. Ötınedı. Tüsındırıp jıberemın. Susyn ızdegen kezde qaidan aluǧa bolatynyn da sūraidy. Ony da körsetıp jıberem. Sonymen jalǧasyp kete beredı», - deidı Iliias Şer. Küzetşı tyŋ ūsynystar bolsa basqa jūmysqa auysuǧa daiyn ekenın aitty. «Joǧary bılım joq bolǧan soŋ kım jūmysqa alady? Dūrys qoi, ol üşın rastaityn qūjat bolu kerek. Alla näsıp etse, ūsynysttar bolar. «Adamnyŋ basy – Allanyŋ doby»,— deidı. Nege bolmasqa? Halyqqa jarasaq, qyzmetıne daiynbyz. Tarihty tüsındıruge daiarmyz. El össın, memleket körkeie bersın. Älemge tanymal bola bereiık», - deidı ol.