Qyzylorda oblysynda mektep oquşysyn öltırgen balaǧa qatysty sot otyrysy öttı, dep habarlaidy "Adyrna" ūlttyq portaly.
Mamyr aiynda Qyzylorda oblysynda kısı ölımıne qatysty derek tırkelgen bolatyn.
8 qazan künı 9-synyp oquşysynyŋ keude tūsynan ūryp öltırgen 10-synyp oquşylaryna qatysty sot otyrysy öttı.
Qazırgı taŋda joǧary synyptyŋ ekı oquşysy sotqa tartyldy. Olarǧa Qylmystyq kodeksınıŋ “Densaulyqqa qasaqana auyr ziian keltıru” jäne “Būzaqylyq” degen aiyp taǧyldy.
Şielı audany Qodamanov auylynyŋ 10-synyp oquşylary 9-synyp oquşylaryn "syilastyq tanytpady, amandaspady" degen syltaumen olardy jazalamaq bolyp, qol kötergen. Sottaluşylardyŋ bırı tızılıp tūrǧan özınen kışı balalardyŋ betınen ūrǧan.
“Sottaluşy K jäbırlenuşınıŋ keude tūsynan jūdyryǧymen qatty ūrǧan. Jäbırlenuşınıŋ jüregı reflektorly toqtap, nätijesınde auyr dene jaraqatynan mert boldy", – delıngen sotta.Sot şeşımımen kämeletke tolmaǧan bır jasöspırım 6 jyl 8 aiǧa bas bostandyǧynan aiyryldy. Al "būzaqylyq jasaǧany üşın" aiyptalyp sotqa tartylǧan ekı sottaluşy taraptardyŋ tatulasuyna bailanysty jazadan qūtylǧan.
Ūqsas jaŋalyqtar
