Talǧarda kısı qolynan qaza bolǧan 16 jastaǧy jasöspırım Şerzat Bolattyŋ äkesı eşqandai köterılıske şyqpauǧa şaqyrdy, dep habarlaidy “Adyrna” ūlttyq portaly.
Şerzattyŋ äkesı Qarjaubai Nūrymov pen marqūm Saltanat Nükenovanyŋ bauyry Aitbek Amangeldı videoündeu arqyly mitingke şyqpaudy sūrady.
"Qazaq elı, taǧy aita ketetınım, 14 qazanda eşqandai miting, qantögıs bolmaidy. Ädılettı sot ükımın kütemın. Tergeu jürgızıledı. Elder kelıp jatyr. Astanadan da kelıp jatyr. Advokattar da bar. Marqūm Saltanattyŋ bauyry da bar. Osy jıgıtter kömektesıp jatyr. Halyqqa aitarym, qoldau körsetıp jatyrsyzdar, Alla razy bolsyn! Köp raqmet! Qazır qantögıs, miting, şoǧyrlanu balamnyŋ ısınıŋ jüruıne toqtau bolady. Sol sebeptı ötınıp sūraitynym, aqyldy, salany el boluymyz kerek. Bügıngı kündı ǧana emes erteŋgı kündı de oilauymyz kerek qoi. Qantögıspen eşteŋe şeşılmeidı... Menıŋ qalauym – balam üşın ädıl sot. Aşyq, ädıl sot bolǧanşa, soŋyna deiın baramyn. Menıŋ maqsatym soŋyna deiın baramyn dep, bıreudı atyp, bıreumen töbelesu emes, jaman adamdar jaman piǧylyn jasai bersın. Odan keiın aitatanym, köŋılderıŋızge raqmet, bıraq aqşa jinaudyŋ keregı joq. Bügın balamnyŋ jetısı edı. Qaraly künde aqşa jasaiyn dep jürgen azamat emespın", - dep mälımdedı ol.Aitbek Amangeldı de bügın ört bolǧan jerge barǧanyn habarlady. Ol qoǧam belsendılerı Işkı ıster ministrlıgımen jäne Bas prokuratura ökılderımen söileskenın atap öttı. Sondai-aq ol da 14 qazanda miting bolady degen aqparatty joqqa şyǧaryp, halyqty jalǧan aqparattyŋ jetegınde ketpeuge şaqyrdy.
Ūqsas jaŋalyqtar
