Qazaqstan Respublikasy Konstiutsiia künı qarsaŋynda Jambyl oblysy, Jualy audanynda aqparattyq ortalyqtar aşyldy, dep habarlaidy adyrna.kz ūlttyq portaly Jualy audany äkımdıgınıŋ baspasöz qyzmetıne sılteme jasap.
Aqparattyq ortalyqtyŋ aşyluyna audan äkımınıŋ orynbasary Erbol Jaŋabaev qatysyp, audan halqyn Ata zaŋ künımen qūttyqtau söz söiledı. Erbol Säkenūlynyŋ aituynşa, Qazaqstan Respublikasynyŋ Konstitusiiasy künı – El ömırındegı aişyqty mereke. Osy Konstitutsiia künı qarsaŋynda Aqtöbe auyldyq okrugınıŋ ortalyǧy Bäiterek auylynda sifrlandyrylǧan aqparattyq ortalyq aşyldy. Auyldyq kıtaphananyŋ ışınde ornalasqan ortalyqty jabdyqtauǧa 1 million 300 myŋ teŋge qarajat bölındı. Atalǧan qarjyǧa üş kompiuter, bır ämbebap köşırme qūraly, internet jelısı jäne taǧy basqa qajettı qūraldar alyndy.
– Qūrmettı auyl tūrǧyndary! Sızderdı eŋ aldymen aituly mereke – Qazaqstan Respublikasynyŋ Konstitusiiasy künımen qūttyqtaimyn. Ata Zaŋymyzdyŋ arqasynda elımızde köptegen igılıktı ıster jüzege asyrylyp keledı. Täuelsız elımızdıŋ de ekonomikasy ösıp, halyqtyŋ tūrmysy men äl-auqaty artyp keledı. Memleket tarapynan qabyldanǧan baǧdarlamalar da öz jemısın berıp otyrǧanyn basa aituǧa tiıspız. Mıne, «Sifrlyq Qazaqstan» baǧdarlamasy arqyly el öŋırlerınde sifrlandyru üderısı qarqyndy jürude. Şalǧai auyldarda ornalasqan kıtaphanalarda sifrlandyrylǧan aqparattyq ortalyqtardyŋ aşyluy – osynyŋ aiǧaǧy. Byltyrǧy jyly audan kölemınde 11 aqparattyq ortalyq auyl tūrǧyndaryna esıgın aiqara aşsa, biyl da 4 aqparattyq ortalyqty jabdyqtap, aşqaly otyrmyz. Oblys äkımı Asqar Myrzahmetovtyŋ arnaiy aqparattyq baza qalyptastyru turaly tapsyrmasy bar. Osy rette auyl tūrǧyndary būl ortalyqtyŋ mümkındıkterın barynşa paidalanuy tiıs, – dedı Erbol Säkenūly.
Audan äkımınıŋ orynbasary Erbol Jaŋabaev pen audan äkımdıgı mädeniet jäne tılderdı damytu bölımınıŋ basşysy Sauytbek Mahambetov aqparattyq ortalyqtyŋ lentasyn qidy. Audandyq ortalyqtandyrylǧan kıtaphanalar jüiesınıŋ direktory Baqytkül Qanaeva sifrlandyrylǧan aqparattyq ortalyqtyŋ jūmysymen jan-jaqty tanystyrdy. Onyŋ aituynşa, atalǧan aqparattyq ortalyqtyŋ paidasy şaş etekten. Sondyqtan da ol igı ıske qoldau körsetken audan äkımıne öz alǧysyn jetkızdı.
Aita ketu kerek, osy künı Bilıköl auyldyq okrugınıŋ Qarabastau auylynda da sifrlandyrylǧan aqparattyq ortalyqtyŋ tūsauy kesıldı.
«ADYRNA»
Ūlttyq portaly
