Bügın - Qazaqstan Respublikasynyŋ eŋbek sıŋırgen qairatkerı, aitysker aqyn, qarymdy qalamger, dramaturg, äigılı manasşy Baianǧali Älımjanov 70 jasqa toldy.
Baianǧali Taqanūly 1954 jyly 16 qazanda Aqmola oblysy (būrynǧy Kökşetau, Bırjan sal audany) Stepniak qalasynda, qarapaiym eŋbekşıler otbasynda düniege kelgen.
Äkesı Älımjanov Taqan (1921-1996j) Ūly Otan soǧysyna qatysqan. Anasy Äbışeva Bätima (1918-1988j.). Ekeuı de zeinetke şyqqanǧa deiın keŋşarda jūmys ıstegen. B.Älımjanov Stepniak qalasyndaǧy Abai atyndaǧy orta mekteptı 1971 jyly, 1977 jyly QazMU-dyŋ qazaq filologiia fakultetın bıtırgen. 1987 jylǧa deiın Almaty qalasynda tūrǧan.
Säbit Mūqanovtyŋ mūrajaiynda ǧylymi qyzmetker, "Leninşıl jas", "Kıtap jarşysy", "Qazaq ädebietı" gazetterınde tılşı, "Qazaqfilm" kinostudiiasynda derektı filmder men hronika bölımınıŋ redaktory, «Baldyrǧan», "Jūldyz" jurnaldarynda proza, syn bölımderınıŋ redaktory bolyp qyzmet atqarǧan.
1987 jyly ata-anasyn kütu üşın tuǧan audanynyŋ «Keŋaşy» auylyna zaiybymen (Äliia Baqyşqyzy Älımjanova, 1962 t.j., medisina qyzmetkerı) bırge köşıp kelıp, 11 jyl auylda tūrǧan.
Baianǧali oblystyq «Kökşetau pravdasy» gazetınıŋ Eŋbekşılder, Uälihanov, Şuche audandary boiynşa menşıktı tılşısı, Eŋbekşılder audandyq mädeniet bölımınde tökpe aqyn bolyp jūmys ıstegen. Ata-anasy dünieden ötkennen keiın, 1998 jyly Kökşetau qalasyna köşıp, 2001 jylǧa deiın Şahmet Hūsaiynov atyndaǧy oblystyq qazaq muzykalyq-drama teatrynda sahna şeberı bolyp qyzmet atqarǧan. 2006-2014 jyldary Paŋ Nūrmaǧambet kinostudiiasynyŋ körkemdık jetekşısı bolǧan.
Baianǧali Älımjanov lirikalyq, filosofiialyq öleŋder men eluge tarta poema, oqiǧaly jyrlardyŋ avtory. Onyŋ öleŋ-jyrlary jeke kıtap bolyp basylǧan "Auyldyŋ aq samaly", "Aŋyz ben aspan", tarihi tūlǧalar turaly köptegen jinaqtarǧa engen jäne respublikamyzdyŋ bedeldı jurnaldary "Amanat", "Jūldyz", "Taŋ-Şolpan", "Daraboz", "Jaŋa Saryarqa", "Kökşetau", "Qazaq tarihy", "Geografiia" jurnaldary, "Jidebai" almanaǧy men "Egemen Qazaqstan", "Qazaq ädebietı", "Ana tılı", "Zaman Qazaqstan", "Aiqyn", "Jas qazaq ünı", "Almaty aqşamy", "Arqa ajary", "Jas Arai" t.b.gazetterınde jariialanǧan. B.Älımjanovtyŋ öleŋderı «Jyr marjany» atty qazaq poeziiasynyŋ 10 tomdyq antologiiasyna , «Taksidegı taǧdyrlar» poemasy «Qazaqtyŋ jüz poemasy» atty 6 tomdyq antologiiaǧa kırgen. B.Älımjanov köptegen än teksterın jazǧan. «Ǧajaiyp küi», «Ömırlık menıŋ serıgım», «Qazaqstan», «Ökpeleme, janym», « Sen eşqaşan özgerme» jäne basqa da änderı (muz. Nūrlan Älımjanov\ bükıl elımızge äigılı boldy. B. Älımjanovtyŋ balalarǧa arnalǧan öleŋ-jyrlary da bar. Äsırese, älıppe jäne älıppe –jaŋyltpaş öleŋderı keŋınen tanymal. B.Älımjanovtyŋ şyǧarmalary orys, aǧylşyn, ispan,fransuz, arab, qytai, nemıs, japon, türık, tatar, başqūrt, udmurt, özbek, monǧol,ūiǧyr, qaraqalpaq jäne qyrǧyz tılderıne audarylǧan.
