AQŞ prezidentınıŋ zaiyby Eleonora Ruzvelttıŋ qaşanda maŋyzdylyǧyn joǧaltpaǧan jäne joǧaltpaityn özım keremet jaqsy köretın bır sözı bar.
"Aqyl sanasy tömen, taiaz adamdar - adamdardy talqylaidy" deidı eken Eleonora. Kündelıktı ösek degenı ǧoi endı... Osy feisbukte de köp olar, gu - gu söz tasyp, jūrttyŋ sözın skrindep el men eldı şaptap qatar qondyrmai... El ışın alataidai qylyp, ösekten auyzdary bosamaidy...
Menıŋşe, bızdıŋ "Nūrǧali Nüsıpjanov jas kelınşekke üilenıptı", "Qaraqat Qydyrälıge toqal alyp beremın deptı" degen kündelıktı taqyryptar osylarǧa arnalǧan siiaqty...
Ruzvelt ary qarai bylai deidı... "aqyl sanasy ortaşa adamdar - kündelıktı jaŋalyqtardy talqylaidy" deidı.
Būl kategoriiaǧa menıŋşe "ūlttyq keŋestıŋ jūmysy bastaldy", "nazarbaevtyŋ siyrlary" taǧy basqa bırqatar saiasi - äleumettık taqyryptar kıredı eken jäne osyny bızdıŋ qoǧamdyq belsendıler, közı qaraqty sauaty bırşama adamdar talqylap kädımgıdei qyzyp qalady eken..
Eleonoranyŋ üşınşı kategoriiasy - "oi sanasy keŋ, öresı biık adamdar - ūly ideialardy talqylaidy" deidı eken.
Menıŋ oiymşa, bızde būndai adamdar joq, bar bolsa da ılude bıreu.
Sebebı, osyndaǧy feisbuktyŋ qazaqstandyq kontentınde özım qyzyǧyp oqityn, osydan taǧylym ala qoiaiyn dep nūsqap körsetetın adam joq eken.
Orystıldı qazaqtardyŋ arasynda da joq, olardyŋ jazǧyştarynyŋ oilary, ideialary köbınese Reseidegı orystyŋ oişyldarymen ündes bop keledı nemese solardan şyqqan taza köşırme bop jatady. Sondyqtan men mynda bızdıŋ orystıldı qazaqtardyŋ jazǧyştaryn eşqaşan oqymaimyn, özıme kerektı aqpar men közqarasty, asa qajet bop jatsa Reseidegı tüpnūsqadan ana jaqqa tıke şyǧyp, qarap, oqyp tanysyp jatamyn. Al ol jaqta täp - täuır oişyldar men jazǧyşbekter jetedı, ony moiyndaimyn.
Bızge jaqsy oişyldar kerek eken.
Oljas ÄBIL
"Adyrna" ūlttyq portaly
