Qytai Halyq Respublikasynyŋ töraǧasy Si Szinpin eldıŋ qaruly küşterıne soǧysqa daiyndyqty küşeitudı būiyrdy. Ol būl mälımdemenı Taivan maŋyndaǧy «Bırlesken semser-2024B» oqu-jattyǧudan keiın jasady, dep habarlaidy «Adyrna» tılşısı.
Si Szinpin Qytai Halyq-azattyq armiiasynyŋ Zymyran küşterımen kezdesuınde äskerlerdı «soǧysqa jan-jaqty daiyndyqty küşeituge» jäne «berık soǧys qabılettılıgın» qamtamasyz etuge şaqyrdy. Sondai-aq qaruly küşterdıŋ sapaly damuy men olardyŋ strategiialyq küşın nyǧaitudy talap ettı.
«Naqty jauyngerlık qabıletter men strategiialyq tejeu mümkındıkterın arttyryp, partiia men halyq alǧa qoiǧan türlı mındetterdı tabandy türde oryndau qajet»,— dedı ol.
Eske salaiyq, 14 qazanda Qytai armiiasy Taivan töŋıregındegı suda bırlesken qylyş jattyǧularyn ötkızgen bolatyn. Aǧa polkovnik Li Si oqu-jattyǧu Taivan täuelsızdıgıne ūmtylǧan separatistık küşterge «quatty tosqauyl» bolatynyn atap öttı.
