AQŞ-tyŋ Pensilvaniia ştatynda tūryp jatqan Fetullahchi laŋkestık ūiymynyŋ jetekşısı Fethulla Gülen 84 jasqa qaraǧan şaǧynda qaitys boldy, dep habarlaidy «Adyrna» tılşısı CNN-ge sılteme jasap.
Ol 20 qazan künı Pensilvaniiadaǧy klinikada jan tapsyrǧan. Türık dıni liderınıŋ baspasöz hatşysy soŋǧy kezderı Gülennıŋ densaulyǧy syr bergenın mälımdedı. Qoǧam qairatkerı qant diabetı jäne demensiia dertıne şaldyqqan.
Aita keteiık, Fethulla Gülen – türıktıŋ qoǧam jäne dıni qairatkerı, jazuşy, aqyn, dın uaǧyzşysy. 1999 jyly AQŞ-qa qonys audarǧan qairatker kezınde Erdoǧannyŋ odaqtasy bolǧan. Erdoǧan men onyŋ dıni konservativtık Ädılet jäne damu partiiasynyŋ 2002 jyly bilıkke keluıne kömektesken. Alaida odaqtastar köp ūzamai bilıktı bölısu dauyna bailanysty arazdasyp qalǧan bolatyn. Sol jyly mamyr aiynda Gülen qozǧalysy Türkiiada terroristık ūiym bolyp jariialandy. Ol memlekettıŋ zaiyrly sipatyn özgertu üşın töŋkerıs jasamaq boldy degen aiyppen quǧyndalǧan edı. Alaida būl aiyp däleldenbedı.
Qazaqstan mūsylmandarynyŋ dıni basqarmasynyŋ ūstanymy boiynşa, gülenşıler jamaǧaty Said Nūrsi ideialaryn basşylyqqa alady. «Hizmet» qozǧalysy älemnıŋ 140-tan asa elınde mektep aşqan.
Būǧan deiın Türkiia prezidentı Rejep Erdoǧan elımızdegı qazaq-türık liseiın tıkelei Gülenmen bailanystyrǧan edı. Basşy būl bılım ordalary dın uaǧyzşysynyŋ ılımın oqytyp jatyr dep mälımdegen bolatyn. Sol tūsta mektepterge tekserıs jürgızıldı. Qazırgı taŋda qazaq-türık liseilerınıŋ atauy «Bılım-innovasiia liseiı» dep özgertıldı. Bılım ordasy öz jūmysyn toqtatpady.
