Qazaqstannyŋ BRİKS-ten bas tartuyna qatysty jaǧdai naqtylaudy qajet etedı. Būl turaly Resei syrtqy ıster ministrı Sergei Lavrov «Argumenty i fakty» gazetıne bergen sūhbatynda aitty, dep habarlaidy «Adyrna» tılşısı.
Saiasatker Qazaqstannyŋ EQYŪ, TMD, ŪQŞŪ, ŞYŪ syndy köptegen ūiymǧa müşe ekenın jäne Türkı memleketterı ūiymynyŋ belsendı müşesı bolyp otyrǧanyn atap öttı.
«Türkı memleketter ūiymy Ortalyq Aziiadaǧy odaqtastarymyz ben strategiialyq serıktesterımızge ülken köŋıl böledı. Mūnyŋ eşqaisysy Qazaqstannyŋ nemese Ortalyq Aziianyŋ basqa elderınıŋ ämbebap qūrylymy bolyp sanalatyn, bıraq qazır daǧdarysty bastan keşırıp otyrǧan Bırıkken Ūlttar Ūiymyna belsendı qatysuyna eş kedergı keltırıp otyrǧan joq. Bızdıŋ oŋtüstık körşılerımız, ŪQŞŪ-daǧy, EAEO-daǧy odaqtastarymyz aldaǧy uaqytta BRİKS-pen jaqyndasudyŋ tıkelei paidasyna köz jetkızetın siiaqty. Ūiymǧa müşe bolu mındettı emes, bıraq naqty jobalar boiynşa bırlesıp jūmys ısteuge negız bar. Būl bärımızdıŋ müddemızge sai dep oilaimyn»,- dedı ol.
Būǧan deiın prezidenttıŋ baspasöz hatşysy Berık Uäli Qasym-Jomart Toqaevqa ūiymǧa kıru turaly ūsynystar tüskenın aitqan edı.
«Būl ūsynystardy memleket basşysy mūqiiat qarastyryp, onyŋ tapsyrmasymen tiıstı vedomstvolar Qazaqstannyŋ ūlttyq müddelerı tūrǧysynan taldap jatyr. Sonymen bırge qazırgı uaqytta jäne jaqyn bolaşaqta Qazaqstan BRİKS-ke müşelıkke ötınım beruden bas tartady»,—dep tüsındırdı ol.
