Aǧylşyn ekonomisı, Euronews telearnasynyŋ ökılı Fred Harrison Ortalyq Aziiadaǧy BAQ nazary Qazaqstannan görı Özbekstanǧan auatyn bolǧan degen mälımdeme jasady. Būl turaly ol Taşkentte ötıp jatqan Özbekstannyŋ mädeni mūrasy aptalyǧynda aitty, dep habarlaidy «Adyrna» tılşısı.
«Londondaǧy telearnanyŋ agenttıgınde qyzmet atqaramyn. 6 jyl būryn Özbekstanda jūmys ıstei bastadyq. Negızgı baǧytymyz jarnama jäne jaŋalyqtar salasy boldy. Bız auditoriiany elımızde bolyp jatqan oŋ özgerısterge qarai tartuǧa tyrysamyz. Bügın, mıne, Euronews qyzmetkerlerı Mädeni mūra aptalyǧyna qatysyp jatyr. Menıŋ oiymşa, BAQ ökılderı Taşkentte bolyp jatqan oqiǧalardyŋ prizmasy arqyly Ortalyq Aziiaǧa nazar audarady. Būryn Qazaqstanǧa köbırek köŋıl bölınse, qazır jaǧdai özgerıp jatyr»,—dedı Fred Harrison.
Aita keteiık, «Şyǧys Renessans fenomenı: memleket, dın, tūlǧa jäne örkeniet» atty mädeni mūra aptalyǧy 18-27 qazan aralyǧynda ötedı. Oǧan 100-den astam şeteldık ǧalym men sarapşylar qatysuda. Aptalyq aiasynda konferensiialar, seminarlar, forumdar men körmeler ūiymdastyrylady.
