20 qazan künı Almaty qalasynda auǧan tauarlarynyŋ körmesı aşyldy, dep habarlaidy «Adyrna» tılşısı.
Qoldan toqylǧan kılemder, jemıster men kökönıster, jaŋǧaqtar, şafran şaiy, antikvariat, qūrylys materialdary, asyl tastar, konditerlık önımder jäne basqa da köptegen dästürlı auǧan tauarlary Atakent-Ekspo körme keşenınde ūsynyldy. Odan bölek, körmede qylyş, tapanşa men qanjar da satylyp jatyr.
«Qarulardy Qazaqstanǧa äkelude qiyndyqtar bolǧan joq. Bızge Auǧanstan ükımetı kömektestı»,—dedı käsıpkerlerdıŋ bırı.
Būl Qazaqstanda ötkızılıp jatqan dästürlı auǧan önımderınıŋ ekınşı körmesı, ony Sauda jäne integrasiia ministrlıgı men Qaztrade sauda saiasatyn damytu ortalyǧynyŋ qoldauymen ūiymdastyrdy. Is-şaranyŋ aşyluyna vise-premer Serık Jūmanǧarin men Auǧanstannyŋ sauda jäne önerkäsıp ministrı Nuriddin Azizi qatysty.
«Qazaqstan Auǧanstandy Oŋtüstık jäne Ortalyq Aziiadaǧy maŋyzdy ärı ajyramas serıktes retınde qarastyrady. Ǧalamdyq daǧdarystarǧa qaramastan, ekı el arasyndaǧy sauda-ekonomikalyq yntymaqtastyq damyp keledı. Qazaqstan öz önımın auǧan naryǧyna şyǧarumen ǧana şektelmei, auǧan tauarlarynyŋ da qazaqstandyq naryqqa şyǧuyna järdemdesıp keledı», – dep atap öttı Jūmanǧarin.
Körmede vise-premer auǧan halatyn kiıp kördı. Sondai-aq Qazaqstan ükımetıne saǧat tartu etıldı.
Aita keteiık, Almatydaǧy dästürlı auǧan tauarlarynyŋ körmesı 2024 jyldyŋ 20-22 qazan aralyǧynda ötedı. 22 qazan künı qazaqstan-auǧan biznes-forumy ötedı, onyŋ aiasynda qatysuşylar B2B kezdesulerınde yntymaqtastyqtyŋ jaŋa mümkındıkterın talqylaidy.
