Qazaqstan Respublikasynyŋ Konstiusiia künı qarsaŋynda Taraz qalasynda 80 päterlı 9 köpqabatty üi el igılıgıne berıldı, dep habarlaidy adyrna.kz ūlttyq portaly Jambyl oblysy äkımınıŋ baspasöz qyzmetıne sılteme jasap. Jalpy 80 päterlı 9 köpqabatty tūrǧyn üide 720 päter ornalasqan.
Jambyl oblysynyŋ äkımı Asqar Myrzahmetov «Nūrly jer» baǧdarlamasy boiynşa üi alǧan 200-ge juyq azamatqa päter kıltın tapsyrdy. Sondai-a, aimaq basşysy oblys tūrǧyndary Qazaqstan Respublikasynyŋ Konstitutsiia künımen qūttyqtady.
– Osy sätte «Nūrly jer» memlekettık baǧdarlamasy şeŋberınde 15-şı şaǧyn audanda 80 päterlı 9 qabatty üi el igılıgıne berılgelı otyr. Osynau oŋdy ısterdıŋ barlyǧy äleumettıŋ äleuetın äldı etetın auqymdy şaralardyŋ jarqyn körınısı. Baspana – qai uaqytty da özektı mäsele. Qala halqynyŋ sany ösuımen tūrǧyn uige degen sūranys kölemı de ūlǧaiuda. Är adam üşın üidıŋ erekşe mänı bar. Täuelsızdık jyldary elımızde Elbasynyŋ basşylyǧymen qazaqstandyqtardy tūrǧyn üimen qamtamasyz etu boiynşa ülken jūmystar atqaryldy. Sonyŋ ışınde qalada jaŋadan soǧylyp jatqan 15 şaǧyn audan ornalasqan jer bırneşe jyl būryn aşyq dala bolatyn, al qazır jaŋa tūrǧyn üiler boi kötergen şaǧyn audanǧa ainaldy. Prezidenttıŋ bes äleumettık bastamasy boiynşa jariialanǧan basty maqsattardyŋ bırı – halyqty tūrǧyn üimen qamtamasyz etu, – dedı ol.
Äkımnıŋ aituynşa, «Nūrly jer» baǧdarlamasy aiasynda biyl 17,6 mlrd. teŋgege barlyǧy 30 köpqabatty (2 118 päterlı) tūrǧyn üidıŋ qūrylysy jürgızılude. Jyl soŋyna deiın atalǧan 30 köpqabatty üidıŋ 28 tūrǧyn üiı (1988 päterlı) paidalanuǧa beru josparlanyp otyr.
Sonymen bırge, köpbalaly otbasylaryn tūrǧyn üimen qamtamasyz etu mäselesın şeşu üşın aj 1-jartyjyldyǧynda 120 (93 päter arendalyq uiler esebınen, 27 demeuşıler esebınen) köpbalaly otbasylaryna päter kıltı tabystaldy. Jyl soŋyna deiın 493 köpbalaly otbasyn tūrǧyn üimen qamtamasyz etu josparlanuda. Kezektılık kelgenge deiın köpbalaly otbasylardyŋ tūrǧyn üi mäselesın uaqytşa şeşu üşın 612 päterlı 12 jataqhana qūrylysyna tiıstı qarajat qarastyrylyp, jyl soŋyna deiın paidalanuǧa beru josparlanuda, – dedı ol.
Aimaq basşysy qūrylys jūmystaryn jürgızgen kompaniialarǧa qala tūrǧyndary atynan alǧys bıldırdı.
"ADYRNA"
ūlttyq portaly
