29 tamyzda Aqtöbede bır top ata-ana oblystyq äkımdıkke baryp, balalaryn mektepke hidjappen kırgızudı talap ettı.
Ata-analar mektepke balalaryn hidjappen kırgızudı bolmasa aqyly mektepte bılım aluy üşın biudjetten arnaiy aqşa bölıp, oqytudy sūrady. Olar balalaryn qymbat mektepterde oqytuǧa qarajattary jetpeitının aityp, "memleket balalardyŋ bılım aluy üşın aqşa böledı, sol aqşany aqyly mektepterge biudjetten tölesın" dedı.
- Bilık özı bas bolyp, Ata zaŋdy būzyp otyr. Qazaqstanda ministrlıktıŋ erejesı Ata zaŋnan joǧary, - dedı konstitusiialyq qūqyqtary şektelıp jatqanyn alǧa tartqan ata-analardyŋ bırı Berık Sülekenov.
Jinalys zalynda uäjın aityp jatqan ata-analardyŋ bırı Berık Sülekenov (sol jaqta). Aqtöbe, 29 tamyz 2019 jyl.
Kelgender arasynda "balalarymyz mektepke deiın oramalmen barady, mekteptıŋ janynda şeşedı, mäjbürlıkpen ıstep otyrmyz, bızge qysym jasalyp jatyr" dep şaǧymdanǧandar köp boldy. Ata-analar arasynda tek Aqtöbe qalasy ǧana emes, Temır audanyndaǧy Şūbarşi auylynan, Mūǧaljar audanyndaǧy Qandyaǧaş qalasynan kelgen ata-analar da boldy.
Jinalys zalynda narazy ata-analardyŋ sūraqtaryna Aqtöbe oblysy äkımınıŋ orynbasary Marat Toǧjanov, oblystyq bılım basqarmasy basşysynyŋ orynbasary Nūrgül Bertıleuova, oblystyq dıni basqarma basşysy Älımbek Tūrdaliev jauap berdı. Olar "zaiyrly memlekettıŋ erejelerın saqtau qajettıgın, oquşylardyŋ mektep formasyn saqtau maŋyzdylyǧyn" aityp, tüsındırdı.
Aqtöbe oblysy äkımınıŋ orynbasary Marat Toǧjanov (ortada) balalaryn mektepke hidjappen kırgızudı talap etken ata-analardyŋ sūraqtaryna jauap berıp jatyr. Aqtöbe, 29 tamyz 2019 jyl.
Şamamen bırneşe saǧatqa sozylǧan talqylau kezınde ekı jaq ortaq mämılege kele almady. Jinalys soŋynda ata-analar el prezidentı Qasym-Jomart Toqaevqa ündeu joldaitynyn aityp, tarasty.
Oblystyq bılım basqarmasynyŋ deregınşe, 2018-2019 jylǧy oqu jylynda Aqtöbe qalasynda "oramal dauyna" bailanysty jetı bala synyptan synypqa köşpei qalǧan. Jyl soŋyna taman "synypqa köşpei qalu qaupı tuyndaǧan soŋ" bır bala oramalyn şeşıp, mektepke kırgen. 11 bala öz betınşe reseilık onlain mektep arqyly bılıp alǧan. Bırneşe bala özge oblysqa köşıp ketken.
2016 jyly qaŋtarda bılım jäne ǧylym ministrlıgı bıryŋǧai mektep formasy erejesı turaly №26 būiryqty qabyldady.
Būl ereje Aqtöbe, Batys Qazaqstan, Maŋǧystau jäne Oŋtüstık Qazaqstan oblystaryndaǧy keibır mektep pen ata-analar arasyndaǧy dau-damaiǧasebepşı boldy.
Qabyldanǧan erejege sai, mektep oquşylary pidjak, keudeşe, jeide, şalbar, klassikalyq jeide (qys kezınde qalyŋ keudeşe, sarafan) kiiuı kerek. Mektep formasyna qatysty būl talaptardy menşık nysanyna qaramastan eldegı jalpy bılım beru mekemelerınıŋ barlyǧy bırdei oryndauǧa mındettı.
Derekköz: azattyq.org
"Adyrna" ūlttyq portaly
