Asqar Jūmadıldaev - "Eŋbek erı". Marapat ielerı jariialandy

Memleket basşysy Qasym-Jomart Toqaev «Qazaqstan Respublikasynyŋ memlekettık nagradalarymen nagradtau turaly» Jarlyqqa qol qoidy, dep habarlaidy "Adyrna" ūlttyq portaly. Respublika künı qarsaŋynda Prezident Qasym-Jomart Toqaevtyŋ Jarlyǧymen elımızdıŋ äleumettık-ekonomikalyq jäne mädeni damuyna, halyqtar arasyndaǧy dostyq pen yntymaqty nyǧaituǧa qosqan eleulı ülesı men belsendı qoǧamdyq qyzmetı üşın bır top azamat memlekettık nagradalarmen marapattaldy. Olardyŋ qatarynda bılım beru, densaulyq saqtau, mädeniet jäne ǧylym qairatkerlerı, öndırıs, biznes salalarynyŋ körnektı ökılderı, deputattar, memlekettık jäne qūqyq qorǧau organdarynyŋ qyzmetkerlerı, äskeri qyzmetşıler, sportşylar jäne eŋbek ardagerlerı bar. Otandyq ǧylymdy damytudaǧy airyqşa jetıstıkterı, sondai-aq qoǧamdyq qyzmettegı asa üzdık eŋbegı üşın  «Qazaqstannyŋ Eŋbek Erı» ataǧy  «Qazaqstan Respublikasy Prezidentınıŋ janyndaǧy «Qazaqstan Respublikasynyŋ Ūlttyq ǧylym akademiiasy» KeAQ vise-prezidentı Asqar Jūmadıldaevqa berıldı. Qazaqstan Respublikasynyŋ äleumettık-gumanitarlyq damuyndaǧy asa üzdık jetıstıkterı üşın  «Qazaqstannyŋ Eŋbek Erı» ataǧy Almaty qalasy, «№4 arnaiy mektep-internat» KMM mūǧalımı GüljanarNūrpeiısovaǧa   jäne Oral qalasy, «Asan Taimanov atyndaǧy №34 mektep-gimnaziia» KMM mūǧalımı Elmara Traisovaǧa  berıldı. Öndırıstık qyzmettegı erekşe eŋbegı üşın «Qazaqstannyŋ Eŋbek Erı» ataǧy Qaraǧandy oblysy, «Şahterskoe» JŞS direktory Georgii Prokopke berıldı.