29 qazan künı saǧat 11:00-de Almaty qalasyndaǧy «Mercure» qonaq üiınde Almaty qalasy Dın ısterı jönındegı basqarmasynyŋ qoldauymen «JASTAR» damytu ortalyǧy jastar qoǧamdyq bırlestıgı ūiymdastyrǧan marapattau räsımı öttı, dep habarlaidy «Adyrna» ūlttyq portaly.
Būl ıs-şarada dın salasynyŋ maŋyzdy mäselelerı boiynşa bırneşe nominasiialar boiynşa üzdık materialdar äzırlegen azamattar marapattaldy. Baiqau säuır aiynda bastalyp, qazan aiyna deiın jalǧasyp, 6 ai ışınde 220-dan astam material qabyldanǧan bolatyn.
Ūsynylǧan jūmystar zaiyrlylyq, toleranttyq, konfessiiaaralyq kelısım, qazaq halqynyŋ ruhani qūndylyqtary, dästür men dın, patriotizm, Otanǧa degen mahabbat, sondai-aq radikaldy dıni ideologiianyŋ, dıni ekstremizm men terrorizmnıŋ ziiandylyǧy sekıldı maŋyzdy taqyryptardy qamtydy. Räsım barysynda 10 nominasiia boiynşa üzdıkter marapattaldy, olardyŋ ışınde: DIGITAL ART şeŋberındegı üzdık foto joba, üzdık öleŋ, üzdık ündeu jäne ūran, üzdık pıkır, taqyryptyq post, üzdık maqala, orys tılındegı üzdık maqala, üzdık beinerolik, TikTok-taǧy üzdık beinerolik, üzdık äleumettık beinerolik.
Jiyndy Almaty qalasy Dın ısterı jönındegı basqarma basşysynyŋ orynbasary Aidarbekūly Älımbek jäne Jastar damytu ortalyǧy jastar qoǧamdyq bırlestıgınıŋ töraǧasy Mūratbaev Qanybek qūttyqtau sözderımen aşty. «Jüirıkten jüirık ozar jarysqanda», demekşı, būl baiqaudy ūiymdastyrudaǧy basty maqsatymyz – dıni ekstremizmge qarsy tiımdı aqparattyq materialdar äzırlep, olardy qoǧamǧa qoljetımdı etu, sonymen qatar qazaq halqynyŋ ruhani qūndylyqtaryn därıpteu, dästür men dınge, Otanǧa degen mahabbatty arttyru», – dep atap öttı Älımbek Aidarbekūly.
Jarystyŋ jalpy jülde qory 3 million teŋgenı qūrady. Qatysuşylarǧa yntalandyru retınde 100 000 teŋge somasyndaǧy qosymşa qarjy bölıngen. Negızgı jüldeler 250 000, 300 000 jäne 350 000 teŋgeden berıldı, al yntalandyru syilyqtary 50 000 teŋgenı qūrady.
«Qatysuşylar arasynda QazŪU, Nūr-Mübäräk, sekıldı ırı oqu oryndarynan kelgen studentter de boldy. Bırınşı jäne ekınşı kurs studentterı üşın būl jülde olardyŋ bolaşaqqa degen senımın nyǧaityp, dıni taqyryptarda jūmys ısteuge degen yntasyn oiatty. «Jülde qory studentter üşın ülken motivasiia boldy, äsırese, jaŋadan oquǧa tüsken jastar üşın. Köpşılıgı jeŋısın estıgende öte qatty quandy. Bız de osyndai şarany qaita ūiymdastyruǧa niettımız», – deidı «JASTAR» damytu ortalyǧynyŋ töraǧasy Mūratbaev Qanybek.
Būl baiqau jastar arasynda dıni sauattylyqty arttyryp qana qoimai, olardy ruhani qūndylyqtarǧa jaqyndatyp, patriottyq sezımderın nyǧaituǧa yqpal ettı. Jülde qory men marapattar studentter üşın zor motivasiiaǧa ainalyp, olardy qoǧamdaǧy özektı mäseleler boiynşa belsendı pıkır qalyptastyruǧa, zaiyrlylyq pen konfessiiaaralyq kelısımdı qoldauǧa şabyttandyrdy.
Osyndai baiqaular dın salasyndaǧy tūraqtylyqty nyǧaityp, qazaq halqynyŋ dästürlerı men mädenietın därıpteuge yqpal etetın maŋyzdy qadam. Ūiymdastyruşylardyŋ aituynşa, būl bastama aldaǧy jyldary da jalǧasyn tauyp, jastar arasynda destruktivtı ideologiialarǧa qarsy tūratyn jaŋa jobalardy qoldauǧa baǧyttalmaq.
