«Nevada-Semei» halyqaralyq antiiadrolyq qozǧalysynyŋ belsendılerı men ardagerlerı prezident Qasym-Jomart Toqaevqa ündeu joldady.
Qazaqstan respublikasynyŋ prezidentı Toqaev Qasym-Jomart Kemelūlyna ündeu
1989 jyldyŋ 19-qazanynda Sovet Odaǧynda, planetadaǧy eŋ ırı Semei synaq poligonynda soŋǧy iadrolyq jarylys boldy, oǧan biyl 35 jyl toldy. 40 jyldyq synaqta 468 iadro bombasy jarylypty. Poligon 1989 jyldyŋ 28-aqpanynda qūrylǧan «Nevada-Semei» halyqaralyq antiiadrolyq qozǧalysynyŋ quatty ıs-qimylynyŋ arqasynda Qazaqstannan, Reseiden jäne basqa respublikalardan alǧaşqy aptalarda-aq öz qataryna ekı millionnan astam belsendı qatysuşyny qabyldaǧan. Qozǧalys jaŋa modeldı – halyqtyq jäne parlamenttık diplomatiianyŋ özara ıs-qimylyn qoldana otyryp, jalpyǧa bırdei iadrolyq qarusyzdanuǧa alǧaşqy qadam jasai otyryp, jetıstıkke jettı. Bız sol kezde jūmys ıstep tūrǧan barlyq bes synaq poligonyna moratorii qoidyruǧa qol jetkızdık. Sol tarihi künderde halyq bırıgıp, bükıl älemdı bızdıŋ ıs-äreketımız ben sözımızdı estuge, jauap beruge mäjbür ettı. Bügıngı tarihi täjıribenı tüsınu bızge bolaşaqqa – sanaly özara täueldılık däuırıne jol aşuǧa mümkındık beredı. Tarih halyqtardy joldyŋ osyndai formulasyna alyp keledı. Bügınde «Nevada-Semei» halyqaralyq antiiadrolyq qozǧalysy jūrt sanasynda beibıtşılık mūratyn bekıtudı jalǧastyryp otyr. Qozǧalystyŋ halyqaralyq qauymdastyq moiyndaǧan eŋbegın eskere otyryp, onyŋ arhivı IýNESKO-nyŋ şeşımımen IýNESKO-nyŋ «Beibıtşılık jady» derektı mūrasynyŋ Düniejüzılık tızımıne engızıldı. Bız 19-qazandy atauly kün dep sanaudy jäne būl kündı Semei poligonyndaǧy iadrolyq synaqty toqtatu künı retınde Qazaqstannyŋ atauly künderınıŋ küntızbesıne engızudı ūsynamyz.Qūrmetpen,
Semei iadrolyq synaq poligonyndaǧy soŋǧy iadrolyq jarylystyŋ 35 jyldyǧyna arnalǧan halyqaralyq konferensiiasyna qatysuşylar,
«Nevada-Semei» halyqaralyq antiiadrolyq qozǧalysynyŋ belsendılerı men ardagerlerı
