Qazaqstan Ūlttyq qorynyŋ şyǧyndardyŋ ösuı Parlamenttıŋ alaŋdauşylyǧyn tudyrdy, dep habarlaidy «Adyrna» ūlttyq portaly.
«Prezidenttıŋ qataŋ eskertulerıne qaramastan, bız älı de ūlttyq qordan aqşa jūmsaudy jalǧastyrudamyz. 2025 jyly Ūlttyq qordan kepıldendırılgen jäne nysanaly transfertter kölemı 5,3 trln teŋgenı qūrady, Būl aǧymdaǧy jylmen salystyrǧanda bır jarym ese köp. Eŋ qyzyǧy, būl körsetkış Respublikalyq biudjettıŋ 20%-y jäne naqty salyq tüsımderınıŋ üşten bırın qūraidy», - dedı deputat Elnūr Beisenbaev Mäjılıs otyrysynda.Onyŋ pıkırınşe, būl faktıler ükımettıŋ salyq tüsımderı men dividendterı boiynşa kırıs bölıgınıŋ älsız oryndaluyn körsetedı. Mäjılıs spikerı Erlan Qoşanov ta Ükımettıŋ Ūlttyq qor qarajatyn jūmsauyn synǧa aldy. Ol Ūlttyq qor – bolaşaq ūrpaqqa arnalǧan qarjy mūrasy ekenın eske saldy.
«Ūlttyq qor qarajatyn aǧymdaǧy qajettılıkterge paidalanu praktikasyn doǧaru qajet. Bügınde jetı millionǧa juyq bala Ūlttyq qordan tölem alady, bükıl el qor qarajatynyŋ jūmsaluyn jıtı qadaǧalap otyr», - dep tolyqtyrdy Erlan Qoşanov.
