Jalpy sany Qazaqstanda 28 jylda 10 premer-ministr auysypty. Är 2-3 jylda bır PM auysyp otyrǧan.
Elbasynyŋ psihologiialyq portretın taldasaq ol kısı eşkımge senbeidı. Joǧary bilık tızgını qolynda bar azamatty bır pozisiiada ūzaq ūstamaidy. Ministrler kabinetın eŋ ūzaq basqarǧan (8 jyl) Karim Masimov. Sebebı tüsınıktı dep oilaimyn.
Menıŋ oiymşa Toqaevtyŋ kelesı sailauǧa tüse qoiuy ekıtalai. Eger jospardan tys qimyldai bastasa 5 jylǧa jetpei de ketuı mümkın. Elbasy saiasi küşın saqtauy üşın halyq pen elita üirene bastaǧan prezidenttı ekınşı ret sailauǧa tüsırmeidı. 2024 jyly prezidenttıkke Toqaevtyŋ ornyna basqa kandidat şyǧady dep oilaimyn. Būl bırınşı ssenarii.
Ekınşı ssenarii - bızdıŋ saiasi jüie tolyq Parlamenttık basqaruǧa köşıp PM basty tūlǧa bolady. Partiianyŋ ruhani basşysy retınde Elbasy özı taǧaiyndaǧan adammen ükımettı, Parlamenttı ärmen qarai da basqara beredı. Prezident qazırgı bızdıŋ tüsınıgımızdegı pozisiiadan tolyq ketıp simvoldyq tūlǧaǧa ainalady.
Negızı saiasi instituttar jūmys ıstemeitın elde boljau qiyn. Bır kısıge bärı tırelgen jaǧdaida otyrmyz. Ol kısınıŋ oiynda ne baryn eşkım tolyq bılmeidı. Bıraq sol kısınıŋ psihologiialyq portretın taldap qana jobalauǧa bolady. Ne bolsa da bır närse anyq. Elbasynyŋ densaulyǧy bolyp tūrǧanda bızde ne myqty prezident, ne saiasi küşı bar PM, ne eldıŋ aldynda bedelı bar Parlament bolmaidy.
Sondyqtan Toqaevtan ümıt kütkenşe qūdai özı keşırsın tabiǧattyŋ zaŋynan ümıt kütken aqyldyraq.
Bauyrjan SERIKBAEV
"Adyrna" ūlttyq portaly
