Abai oblysynda qūrylys qarqyndy jürgızılude

«Jaily mektep» ūlttyq pilottyq jobasy aiasynda 2700 oryndyq 4 mekteptıŋ qūrylysy bastaldy. Būl turaly Ortalyq kommunikasiialar qyzmetınde ötken brifingte oblys äkımı Nūrlan Ūranhaev aitty. Biyl oblys ortalyǧynda «KAZ Minerals Management» JŞS qarjysy esebınen 1200 oryndyq IT-mektep aşyldy. Balalardy qosymşa bılımmen qamtu aiasyn keŋeitu üşın köp salalyOquşylar saraiynyŋ qūrylysy bastaldy. Osyjyldyŋ tamyz aiynda IT jäne jaŋa tehnologiialar joǧary kolledjı, al qyrküiekte Mūhtar Äuezov atyndaǧy pedagogikalyq kolledjde «Qarajyra» AQ qarajatyna salynǧan 300 oryndyq konsert zaly paidalanuǧa berıldı. 2025 jylǧa deiıngı «Auyldyq densaulyq saqtaudy jaŋǧyrtu» ūlttyq jobasy aiasynda oblysta jalpy qūny 14,8 mlrd teŋgenı qūraityn 65 alǧaşqy medisinalyq-sanitarlyq kömek körsetu nysanynyŋ qūrylysy jürgızılude. Onyŋ ışınde 64 nysan biyl, bıreuı 2025 jyly paidalanuǧa berılmek. Medisinalyq qyzmet oblystyŋ auyldarynda da keŋeiıp keledı. Kökpektı jäne Ürjar audandarynda dializ ortalyqtary aşyldy. Jyl soŋyna deiın Aqsuat auylynda taǧy bıreuın aşu josparlanuda. Jedel järdem auruhanasy jasandy qan ainalymapparatymen jabdyqtalǧan. Būl qan ainalymyn tolyq toqtatyp, aşyq tūrǧan jürekke operasiia jasauǧa mümkındık berdı. Biyl densaulyq saqtau nysandarynyŋ materialdyq-tehnikalyq bazasyn nyǧaituǧa 2,8 mlrd teŋge bölındı. Qazırdıŋ özınde 100 dana medisinalyq qūral-jabdyq satyp alyndy.