"Almaty oblysyndaǧy ädıletsızdık". Prezidentke ündeuınen soŋ Almasbektı alyp kettı

Qarjylyq monitoring agenttıgınıŋ departamentı Almaty oblysynyŋ prokuraturasymen bırlese otyryp, «Şaŋyraq» qoǧamdyq bırlestıgınıŋ basşysy Almasbek Sadyrbaidy ūstady. Ol 1,2 milliard teŋge kölemınde zaŋsyz subsidiia alǧany üşın küdıkke ılındı, dep habarlaidy «Adyrna» ūlttyq portaly QMA baspasöz qyzmetıne sıltep. QMA mälımetınşe, Almasbek Sadyrbai Balqaş, Eŋbekşıqazaq, Kegen, Raiymbek jäne Ūiǧyr audandarynda jalǧan auylşaruaşylyq kooperativterın qūrǧan adamdar tobyn basqarǧan. "Negızgı maqsat – qoi-eşkı mal basyn ūryqtandyruǧa subsidiialar men azyq şyǧyndaryn öteuge zaŋsyz subsidiialar alu. Osy üşın auyl şaruaşylyǧy jerlerı joq bolsa da, şaruaşylyqtar zaŋsyz tartylǧan. Keiın subsidiia aluǧa jalǧan mälımetterdı, sonyŋ ışınde jalǧan kadastrlyq nömırlerdı körsetıp, qaşyqtan ötınışter berılgen. Būl rette auylşaruaşylyq kooperativterınıŋ basşylarynyŋ ESQ-syn olardyŋ kelısımınsız qoldanǧan", – dep mälımdedı QMA. «Şaŋyraq» qoǧamdyq bırlestıgınıŋ basşysy asa ırı kölemdegı alaiaqtyq jasady degen küdıkpen ūstaldy. Onyŋ sybailasy sot sanksiiasymen üiqamaqqa alyndy. Osydan üş kün būryn Almasbek Sadyrbai Almaty oblysyndaǧy ädıletsızdık turaly aityp, özıne qysym jasalyp jatqanyn bıldırıp, prezidentke ündeu jasaǧan edı. Iýtub jelısınde jariialanǧan video osy uaqyt ışınde 65 myŋnan astam qaralym jinaǧan. Jelı qoldanuşylary Almasbek Sadyrbaidy qoldaityndaryn aityp pıkır qaldyruda.