Abai oblysynda süt öndırısı qarqyndy damuda

Abai oblysynda auyl şaruaşylyǧyn damytuǧa baǧyttalǧan investisiialyq jobalar öŋır ekonomikasyna serpın berıp, jergılıktı tūrǧyndar üşın jaŋa jūmys oryndaryn aşuǧa mümkındık jasaldy. Naqtyraq aitsaq, ötken jyly  agroönerkäsıptık keşen salasyndaǧy jobalarǧa nesie beru baǧdarlamasy aiasynda 2 süttı-tauarly fermasyn qoldau maqsatynda 2 mlrd teŋge ekı süt fermasyn iaǧni, «Qalihanūly» şarua qojalyǧy men «Örnek» JŞS-ne keŋeituge bölındı. Şarualar berılgen investisiiaǧa simmental jäne golştino-friz tūqymynan 601 asyl tūqymdy siyr satyp aldy. Öŋır tūrǧyndaryna tanymal Besqaraǧai audanyndaǧy «Qalihanūly» şarua qojalyǧy Resei Federasiiasy men Chehiia, Avstriia men Germaniia memleketterınen  jalpy sany 252 bas asyl tūqymdy ırı qara mal satyp aldy. Al Kökpektı audanyndaǧy «Örnek» JŞS Germaniiadan Simmental tūqymdy jalpy sany 349 bas 18 ailyq qūnajyndar äkeldı. Jobalardyŋ ıske qosyluymen 2025 jyldan bastap süt öndırısı jylyna 2 400 tonnaǧa artpaq. Sondai-aq, şaruaşylyqtardyŋ öndırıstık quatyn arttyru üşın qazırgı zamanǧy tehnika  jäne jabdyqtarmen qamtamasyz etıldı. Mysaly, «Qalihanūly» şarua qojalyǧy zamanaui astyq tasuşy samosval, 6135V markaly traktor, John Deere 7250 markaly jemşöp jinaityn kombain jäne köptegen basqa da qajettı tehnikalarǧa qol jetkızdı. Al «Örnek» JŞS traktorlar men astyq jinaityn kombaindarmen qatar mal şaruaşylyǧyna qajettı köptegen jabdyqty satyp aldy. Aita ketelık, Marat Qalyqov basqaratyn «Qalihanūly» şarua qojalyǧy «Aişa» sauda belgısımen tanymal bolǧan süt sehy bügınde 17 türlı süt önımderın şyǧaryp, jergılıktı naryqta sūranysqa ie. Qalyqov käsıptı 90-jyldardaǧy daǧdarys kezeŋınde bastap, qazırde myŋǧa juyq ırı qara mal jäne jylqy, tüie ösırude. – İnvestisiialardyŋ arqasynda öndırısımızdıŋ quaty 9 tonnaǧa deiın östı. Jaŋa tehnika men tehnologiialar engızılıp, qazır 170 adam jūmyspen qamtylǧan, – deidı Marat Qalyqov. Atalǧan şarualar aldaǧy uaqytta mal basyn köbeitu maqsatynda qosymşa qora-jailar salyp, süt önımın arttyrudy, sondai-aq halyqty tabiǧi jäne sapaly süt önımımen qamtu josparlaryn jüzege asyrmaq.